დონალდ ტრამპის ადმინისტრაციის გადაწყვეტილებას მოგზაურობის შეზღუდვების მოხსნაზე, ჯო ბაიდენის გუნდი არ ეთანხმება

2021-01-19 10:32:23, 1116 ნახვა

მსოფლიო

დონალდ ტრამპის ადმინისტრაციის გადაწყვეტილებას მოგზაურობის შეზღუდვების მოხსნის შესახებ ჯო ბაიდენის გუნდი არ ეთანხმება.

აღნიშნულის შესახებ ინფორმაციას „სიენენი“ ავრცელებს.

როგორც გამოცემა იუწყება, პრეზიდენტმა დონალდ ტრამპმა ორშაბათს მოხსნა კორონავირუსთან დაკავშირებული მოგზაურობის შეზღუდვები ევროპის ქვეყნების დიდ ნაწილთან, გაერთიანებულ სამეფოსთან, ირლანდიასა და ბრაზილიასთან. ტრამპის გადაწყვეტილებით შეზღუდვები 26 იანვრიდან მოიხსნება.

„პანდემიის გაუარესების და მთელ მსოფლიოში უფრო მეტად გადამდები ვარიანტის გავრცელების ფონზე, საერთაშორისო მოგზაურობის შეზღუდვების მოხსნის დრო არ არის“, - განაცხადა ბაიდენის ადმინისტრაციის პრესმდივანმა, ჯენ ფსაკიმ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან