2021-01-14 11:52:12, 786 ნახვა
სამართალი
იაკობ ბრეგვაძის ადვოკატის განცხადებით, მისი დაცვის ქვეშ მყოფს ჩვენება არ შეუცვლია
იაკობ ბრეგვაძის ადვოკატი, ირმა ჭკადუა აცხადებს, რომ მისი დაცვის ქვეშ მყოფს ჩვენება არ შეუცვლია.
ადვოკატმა ისაუბრა გუშინ ბრეგვაძის უწყებაში ყოფნაზე და განმარტა, რომ გიორგი შაქარაშვილის საქმის ე.წ ოქროს მოწმე, პირადი ნივთების დაბრუნების საკითხთან დაკავშირებით იმყოფებოდა.
„ჩვენების შეცვლას ადგილი არ ჰქონია, თქვენთვის კარგადაა ცნობილი თითოეული მისი ჩვენება. ის გამოძიებაში არის საერთოდ ორჯერ დაკითხული.
რაც შეეხება გუშინდელ ამბავს რატომ არ ვიყავი მასთან ერთად, უწყებაში ის მისი პროფესიული საქმიანობის თემაზე იყო მისული. მე მას ავუხსენი, რომ საქმის გამოძიებამდე არ დაუბრუნებდნენ ნივთებს. მან მაინც სთხოვა დაბრუნება და უარი მიიღო“, - განაცხადა ირმა ჭკადუამ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
