აშშ-ს ყოფილი პრეზიდენტები, ბარაკ ობამა, ჯორჯ ბუში და ბილ კლინტონი კოვიდ19-ის საწინააღმდეგო ვაქცინას საჯაროდ, კამერების წინ გაიკეთებენ, - ამის შესახებ CNN -ი იუწყება.

ტელეარხის ცნობით, აღნიშნული ღონისძიების მიზანია, რომ  საზოგადოება დაარწმუნონ ვაქცინის სანდოობასა და უსაფრთხოებაში. აშშ-ს ყოფილი პრეზიდენტების აცრა, მას შემდეგ მოხდება, რაც სურსათის უვნებლობისა და წამლის ხარისხზე კონტროლის სააგენტო, ვაქცინების წარმოებაზე ნებართვას გასცემს.

ჯორჯ ბუშის ადმინისტრაციის უფროსმა, ფრედი ფორდმა CNN-თან საუბარში განაცხადა, რომ ქვეყნის 43-ე პრეზიდენი დაუკავშრდა ინფექციური დაავადებათა ეროვნული ინსტიტუტის დირექტორს და ინფექციურ დაავადებათა მთავარ ექსპერტ ენტონი ფაუჩს და დოქტორ დებორა ბიქრსს, რომელიც თეთრი სახლის კორონავირუსზე რეაგირების კოორდინატორია,  რათა გაერკვია, თუ როგორ შეეძლო დახმარებოდა საჯაროდ ვაქცინის გაკეთება მის პოპულარიზაციაში.

„რამდენიმე კვირის წინ ჯორჯ ბუშმა მთხოვა, რომ მეცნობებინა ფაუჩისთვის და ბირქსისთვის, რომ ვაქცინის ჩაშვების შემთხვევაში, მას სურს გაიკეთოს ვაქცინა, რაც ხელს შეუწყობს თანამოქალაქეების ვაქცინაციას“, - განაცხადა ფორდმა.

კლინტონის პრესმდივანმა ასევე CNN-ს განუცხადა რომ სურს გაიკეთოს ვაქცინა საზოგადოებრივ გარემოში, რათა ხელი შეუწყოს მის პოპულარიზებას.

„პრეზიდენტი კლინტონი აუცილებლად მიიღებს ვაქცინას, როგორც კი ხელმისაწვდომი გახდება ის, საზოგადოებრივი ჯანდაცვის ოფიციალური პირების მიერ განსაზღვრული პრიორიტეტების გათვალისწინებით და ის ამას გააკეთბს ისეთ გარემოში, რომელიც ხელს შეუწყობს და მოუწოდებს ამერიკელებს, რომ იგივე გაიმეორონ“, - განაცხადა ანხელ ურენასმა.

ექს-პრეზიდენტმა ბარაკ ობამამ SiriusXM-ის წამყვან ჯო მედისონთან ინტერვიუში, თქვა, რომ მას სჯერა ექიმი ენტონი ფაუჩის განცხადების,  ვაქცინის უსაფრთხოებასთან დაკავშირებით.

„ისეთ ადამიანებს, როგორიცაა ენტონი ფაუჩი, რომელიც ვიცი და ვისთან ერთადაც ვმუშაობდი, სრულიად ვენდობი, ასე რომ, თუ ენტონი ფაუჩი მეუბნება, რომ კოვიდ19-ის საწინააღმდეგო ვაქცინა უსაფრთხოა და შემიძლია ავიცრა, მე აუცილებლად გავიკეთებ მას“, - განაცხადა ბარაკ ობამამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ბლუმბერგი“: ევროპა არ ელის, რომ ტრამპი რუსეთის წინააღმდეგ ახალ სანქციებს დააწესებს ან უკრაინას დახმარებას გაუწევს

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა