2020-10-27 14:20:31, 447 ნახვა

---

ნათია თურნავა - სამეგრელოში, სხვა რეგიონების მსგავსად, გაზიფიცირება ინტენსიურად მიმდინარეობს და 2021 წლისთვის 92 დასახლებული პუნქტის 40 ათასზე მეტი ოჯახი გაზიფიცირდება

„გაზიფიცირების სამუშაოები ყველა რეგიონში ძალიან ინტენსიურად მიდის, როგორც ეს პრემიერ-მინისტრმა ბრძანა, თუმცა, განსაკუთრებით ინტენსიურად მიმდინარეობს სამეგრელოში, სადაც 2012 წლადე გაზიფიცირების დონე ძალიან დაბალი იყო, - ამის შესახებ ეკონომიკისა და მდგრადი განვითარების მინისტრმა ნათია თურნავამ წალენჯიხაში, საქართველოს გაზიფიცირების გაწეული სამუშაოების ანგარიშისა და სამომავლო გეგმების შესახებ პრეზენტაციაზე სიტყვით გამოსვლისას განაცხადა.

მინისტრის თქმით,  2021 წლისთვის სამეგრელოში  ყველაზე მეტი - 92 დასახლებული პუნქტი და 40 ათასზე მეტი ოჯახი იქნება გაზიფიცირებული.

„გაზიფიკაცია ეს არ არის მხოლოდ ჩვენი სოციალური ყოფის გაუმჯობესება, არ არის მხოლოდ ჩვენი კომფორტი და გაზი სახლებში. ეს არის ახალი შესაძლებლობა ახალი სამუშაო ადგილების შესაქმნელად, ეს არის ახალი შესაძლებლობა მიკრო და მცირე ბიზნესის განვითარებისთვის. სამეგრელო ტრადიციულად ძალიან აქტიურად მონაწილეობდა ჩვენი ხელისუფლების მიერ დაფინანსებულ სხვადასხვა სამეწარმეო პროექტში. მხოლოდ „აწარმოე საქართველოში" პროგრამის ფარგლებში, რომ არ ჩავთვალოთ  უკვე განხორციელებული ათასობით სასოფლო-სამეურნეო პროექტი, ბოლო წლებში 20 ინდუსტრიული საწარმო დაფინანსდა, 28 მცირე და საოჯახო სასტუმრო, 914 მიკროგრანტი გაიცა. როგორც იცით, ამ დღეებში მიმდინარეობს განაცხადების მიღება მიკროგრანტების მიღებაზე და ძალიან მიხარია, რომ ერთ-ერთი ყველაზე აქტიური სწორედ სამეგრელოა, საიდანაც 1800-მდე განაცხადი უკვე შემოვიდა მიკროგრანტების და მცირე ბიზნესის დაწყების მსურველთგან", - აღნიშნა ნათია თურნავამ.

წალენჯიხაში  დღეს საქართველოს ეკონომიკისა და მდგრადი განვითარების მინისტრმა, ნათია თურნავამ საქართველოს გაზიფიცირების გაწეული სამუშაოების ანგარიშისა და სამომავლო გეგმების შესახებ პრეზენტაცია გამართა. ღონისძიება საქართველოს პრემიერ-მინისტრმა გიორგი გახარიამ გახსნა.

როგორც მინისტრმა აღნიშნა, 2021 წლის ბოლოს საქართველოს მოსახლეობის 90 პროცენტზე მეტი - 1 მილიონ 400  ათასამდე აბონენტი ჩართული იქნება ერთიან გაზგამანაწილებელ ქსელში. მინისტრის ინფორმაციით, 2013 წლიდან დღემდე ექსპლუატაციაშია შესულია და გაზი მიეწოდება 312 ათასზე მეტ ოჯახს 1000 - ზე მეტ დასახლებულ პუნქტში. 2019-2021 გაზიფიცირების გეგმის დასრულების შემდგომ, 2021 წლის ბოლოს, გაზგამანაწილებელ ქსელში დამატებით 90,000-მდე აბონენტი ჩაერთვება.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი