ვწუხვარ, რომ გადაწყვიტეთ დიალოგი უზურპატორთან და არა ბელარუს ხალხთან, - ასე მიმართავს სვეტლანა ტიხანოვსკაია ვლადიმერ პუტინს, რომელსაც დღეს ბელარუსის პრეზიდენტთან, ალექსანდრ ლუკაშენკოსთან შეხვედრა აქვს დაგეგმილი.

როგორც ტიხანოვსკაია აღნიშნავს, რა გადაწყვეტილებასაც არ უნდა მოაწეროს ხელი ლუკაშენკომ, კანონიერი ძალა არ ექნება.

„მინდა შევახსენო ვლადიმირ პუტინს, სოჭში შეხვედრაზე რაც არ უნდა მიიღოთ და რაზეც არ უნდა შეთანხმდეთ, ამას არ ექნება კანონიერი ძალა. ყველა შეთანხმებას, რომელსაც არალეგიტიმური ლუკაშენკო მოაწერს ხელს, ახალი ხელისუფლება გადახედავს. იმიტომ რომ ბელარუსმა ხალხმა უარი უთხრა ლუკაშენკოს ნდობასა და არჩევნებში მხარდაჭერაზე. ძალიან ვწუხვარ, რომ თქვენ გადაწყვიტეთ დიალოგი გამართოთ უზურპატორთან და არა ბელარუს ხალხთან" - წერია ტიხანოვსკაიას განცხადებაში.

ცნობისთვის, დღეს, 14 სექტემბერს, ვლადიმირ პუტინი და ალექსანდრ ლუკაშენკო სოჭში მოლაპარაკებებს გამართავენ. ეს იქნება მათი პირველი  შეხვედრა 9 აგვისტოს საპრეზიდენტო არჩევნებისა და ბელარუსში დაწყებული საპროტესტო აქციების შემდეგ. მოლაპარაკებები ერთიერთზე გაიმართება. დოკუმენტების ხელმოწერა და პრესკონფერენცია ვიზიტის დროს არ იგეგმება.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.