საქართველო მთავრობამ იუსტიციის სამინისტროს მიერ მომზადებული კანონპროექტი დაამტკიცა, რომელიც სანოტარო მომსახურების ხელმწისავდომობას ითვალისწინებს.

ცვლილებები „ნოტარიატის შესახებ“ კანონსა და „საგადასახადო კოდექსში“ შედის.

„ნოტარიატის შესახებ“ კანონში ცვლილებების პროექტის თანახმად, ახლადდანიშნული ნოტარიუსი პირველი სამი წლის განმავლობაში სანოტარო საქმიანობას მაღალმთიანი დასახლების სტატუსის მქონე დასახლებაში განახორციელებს, სადაც სანოტარო მომსახურება სათანადოდ ხელმისაწვდომი არ არის.

თუკი ახლად დანიშნული ნოტარიუსი უარს იტყვის შესაბამის რეგიონში მუშაობაზე, ეს იქნება მისი ნოტარიუსად დანიშვნაზე უარის თქმის საფუძველი, ხოლო თუ ნოტარიუსი სამ წლიანი ვადის ამოწურვამდე შეწყვეტს საქმიანობას განწესების ადგილას, მას ნოტარიუსის უფლებამოსილება შეუწყდება.

„სანოტარო მომსახურების მისაღებად, გრძელი და დამღლელი გზის გავლა საქართველოს არცერთი რეგიონის მცხოვრებს აღარ მოუხდება. სულ მალე სანოტარო ბიუროები ყველა რაიონში იქნება“, - აცხადებენ საქართველოს იუსტიციის სამინისტროში.

დღეისათვის საქართველოში მოქმედი 252 ნოტარიუსიდან, 146 ნოტარიუსი თბილისშია, 12 ბათუმში, 11 ქუთაისში, და მხოლოდ 83 ნოტარიუსი ემსახურება საქართველო სხვა ქალაქებისა და სოფლების მაცხოვრებლებს.

იუსტიციის სამინისტროს ინფორმაციით, საქართველოს პატარა ქალაქებსა და რეგიონებში ნოტარიუსები სანოტარო ბიუროების განთავსებაზე უარს იმ მიზეზით აცხადებენ, რომ მათი საქმიანობა ფინანსურად წამგებიანია. სწორედ ამიტომ, ნოტარიუსებს, რომლებიც იმ რეგიონებში იმუშავებენ, სადაც სანოტარო მომსახურება სათანადოდ ხელმისაწვდომი არ არის, ფინანსურ დახამრებას ნოტარიუსთან პალატა გაუწევს. მათ საკვალიფიკაციო გამოცდაში მონაწილეობისათვის გადახდილი საფასურიც აუნაზღაურდებათ, რომელიც 150 ლარს შეადგენს.

ნოტარიუსთა ფინანსურ მხარდაჭერას საკანონმდებლო დონეზე საგადასახადო კოდექსში გათვალისწინებული ცვლილებები უზრუნველყოფს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს

სერბეთის პატრიარქი პორფირიე - ქართველმა ხალხმა მიიღო სათნო მამა, კეთილი მწყემსი და დაუღალავი მასწავლებელი