ლიეტუვის, ლატვიის და ესტონეთის პრემიერ-მინისტრები ბელარუსს თავისუფალი და სამართლიანი არჩევნების ჩატარებისკენ მოუწოდებენ.

ბალტიის ქვეყნების პრემიერ-მინისტრებმა ესტონეთში შეხვედრის შემდეგ საერთო განცხადება გაავრცელეს, სადაც განაცხადეს, რომ არჩევნები უნდა ჩატარდეს ხელახლა, გამჭივირველედ, სადაც მონაწილეობას მიიღებენ საერთაშორისო დამკვირვებლები.

ამასთანავე, მათ ბელარუსს ძალადობისგან თავის შეკავებისკენ და პოლიტპატიმრების გათავისუფლებისკენ მოუწოდეს.

გარდა ამისა, ბალტიისპირა ქვეყნების პრემიერ-მინიტრები მოუწოდებენ ევროკავშირს, რომ ძალადობაზე პასუხისმგებელ პირებზე დაწესდეს სანქციები.

ცნობისთვის, ბელარუსში საპრეზიდენტო არჩევნებში ქვეყნის მოქმედმა პრეზიდენტმა, ალექსანდრ ლუკაშენკომ გაიმარჯვა. მან ხმების 80.23% მიიღო, რასაც ხალხის მასობრივი პროტესტი მოჰყვა. დაიწყო აქციები. პოლიციამ დემონსტრანტების დასაშლელად ცრემლსადენი გაზი, ჭყლის ჭავლი და რეზინის ტყვიები გამოიყენა, რის შედეგადაც გარდაიცვალა 2, ხოლო დაშავდა ათობით ადამიანი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ალ ჯაზირამ“ ირანზე აშშ-ის ბოლო დარტყმები ცეცხლის შეწყვეტის შემდეგ ყველაზე მასშტაბურად შეაფასა

მრავალწლიანი ტყუილებისთვის ბოდიშს ვიხდით – უნგრეთის საზმაუმ საინფორმაციო გადაცემა შეაჩერა

თბილისის აეროპორტი: ჩვეულ რეჟიმში ვოპერირებთ, მხოლოდ 3 რეისი გადამისამართდა

პაპუაშვილი – იუნკევიჩიენეს მოასინჯინეს ნიადაგი ქართულ ეკლესიაზე თავდასხმისთვის, ახლა მნიშვნელოვანია მკაცრი რეაქცია