სხდომებს ნუ გააცდენთ, როგორც ჩანს, დაგავიწყდათ ის, რაც საკანონმდებლო მუშაობაში საბაზისოა, - ასე მიმართა პარლამენტის თავმჯდომარე არჩილ თალაკვაძემ „ევროპული საქართველოს“ წევრ სერგი კაპანაძეს პარლამენტის ბიუროს დღევანდელ სხდომაზე.

თალაკვაძის თქმით, როდესაც კომიტეტი რომელიმე სამინისტროსთან საკანონმდებლო რეფორმაზე მუშაობს და გარკვეულ საკითხებზე თანხმდება, ეს საკანონმდებლო მუშაობის ნაწილია.

„სხდომების გაცდენამ ცუდი გავლენა მოახდინა თქვენზე ბატონო სერგი. გეტყობათ, რომ გაოცებული ხართ ელემენტარული რამით, რომელიც არის საპარლამენტო და სახელისუფლებო და ასევე საკანონმდებლო სამუშაოს ანი და ბანი. როდესაც დარგობრივი კომიტეტი მუშაობს სამინისტროსთან საკანონდებლო პაკეტზე და რეფორმაზე, ეს არის ჩვეულებრივი კანონშემოქმედებითი საქმიანობის ნაწილი, რომელმაც თქვენ ასე გაგაოცათ და აღგაშფოთათ, ამიტომ, ნუ გიკვირთ, თუ, მაგალითად საფინანსო-საბიუჯეტო კომიტეტი ბიუჯეტის დამტკიცებამდე სამინისტროსთან ერთად ამზადებს და თანხმდება საკითხებზე. თქვენ თქვით, ეს როგორ შეიძლება, რომ მთავრობასთან წინასწარ შეთანხმდეს პარლამენტიო. როდესაც განათლების სამინისტროსთან განათლების კომიტეტი თანხმდება საკანონმდებლო პაკეტზე და მერე ხდება ინიციატივა, ეს არის კანონშემოქმედებითი მუშაობის ანი და ბანი. ამიტომ სხდომებს ნუ გააცდენთ, როგორც ჩანს დაგავიწყდათ ის, რაც არის საბაზისო საკანონმდებლო მუშაობაში“, - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს