დღეს, შუხევის მუნიციპალიტეტში მცხოვრებ ხუთ უხუცესს 100 წელი შეუსრულდა. საუკუნის ადამიანებს ღირსშესანიშნავი თარიღი შუახევის მერმა ფრიდონ ფუტკარაძემ, აჭარის ჯანმრთელობისა და სოციალური დაცვის მინისტრის მოადგილეებთან რამაზ ჯინჭარაძესთან და ზურაბ თენეიშვილთან ერთად მიულოცა, ჯანმრთელობა და დიდხანს სიცოცხლეს უსურვა და სიმბოლური საჩუქრები გადასცა.

უხუცესებს, აჭარის ა/რ ჯანმრთელობისა და სოციალური დაცვის სამინისტროს „100 წელს გადაცილებულ მოქალაქეებზე ერთჯერადი დახმარების“ პროგრამის ფარგლებში 1000 -1000 ლარი გადაეცათ.

შუახევში, 100 წელს გადაცილებული 10 მოქალაქე ცხოვრობს. 3 უხუცესს 100 წელი მიმდინარე წლის განმავლობაში შეუსრულდება.

თამარ მგელაძე - სოფელი ცხემლისი:

 დაიბადა ხელვაჩაურის რაიონ სოფელ ქავთარეთში. მეუღლე ადრე გარდაეცვალა და შვილების გაზრდა თავად იტვირთა. ახალგაზრდობაში ეწეოდა სოფლის მეურნეობას, ქსოვდა, ქარგავდა. ჰყავს 4 შვილი, 12 შვილიშვილი, 20 შვილთაშვილი, 13 შვილთაშვილის შვილი - სულ 68 შთამომავალი.

 ჯეფერ ქამადაძე-სოფელი ნენია:

ჰყავს 6 შვილი, 17 შვილიშვილი, 25 შვილთაშვილი. წლების განმავლობაში მუშაობდა ნენიის და ზამლეთის ამბულატორიაში ექთნად. ეწეოდა სოფლის მეურნეობას, მათ შორის მევენახეობას, მეთამბაქოეობას. ტრადიციებს დღესაც მისდევს ოჯახი.

ხოშრეთ ბერიძე - სოფ.ფურტიო:

ჰყავს 5 შვილი,16 შვილიშვილი,32 შვილთაშვილი,9 შვილთაშვილის შვილი - სულ 90-მდე შთამომავალი. 27 წელი მუშაობდა სოფლის ბიბლიოთეკაში.

სურიე უშარიძე - სოფელი ნიგაზეული:

ჰყავს 7 შვილი, 13 შვილიშვილი, 26 შვილთაშვილი. ეწეოდა სოფლის მეურნეობას, მიღებული აქვს შრომის მედელი.

შაინიძე მეყბულე - სოფელი იაკობაური:

ჰყავს 2 შვილი, 6 შვილიშვილი, 18 შვილთაშვილი და 30 შვილთაშვილის შვილი.

ავტორი: NS (სტატია დაფინანსებულია),

სოციალური ქსელები

დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს

ევროპის საბჭოს მინისტრთა კომიტეტი საქართველოს ხელისუფლებას კანონმდებლობის გადახედვისკენ მოუწოდებს

შსს პოლიციელების მიერ ჩადენილ ძალადობის ფაქტებს ადასტურებს

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში