გიორგი შაქარაშვილის საქმეზე მცხეთის სამმართველოში მოწმეების დაკითხვა მიმდინარეობს

2020-06-22 15:15:55, 2050 ნახვა

სამართალი

მცხეთის პოლიციის სამმართველოში იმ პირების გამოკითხვა მიმდინარეობს, ვინც 18 ივლისს ფეხბურთელ გიორგი შაქარაშვილთან ერთად დაბადების დღეზე იმყოფებოდა.
4-დღიანი უწყვეტი საძიებო სამუშაოების შედეგად მყვინთავებმა 19 წლის გიორგი შაქარაშვილის ცხედარი წყალში იპოვეს.
18 ივნისს გიორგი შაქარაშვილი მეგობრებთან ერთად, აგარეკზე დაბადების დღის აღსანიშნავად იმყოფებოდა. როგორც გარდაცვლილის ახლობლები ამბობენ სოფრაზე წარმოიქმნა კონფლიქტი, რის გამოც გიორგი შაქარაშვილმა და მისმა მეგობარმა აგარაკი დატოვეს.
სახლიდან სადაც გიორგი შაქარაშვილს და მის მეგობრებს ჰქონდათ ნაქირავები ამოღებულია მტკიცებულებები.
ტელეკომპანია "პირველი" გარდაცვლილი სპორტსმენის მეგობრებზე დაყრდნობით, ავრცელებს ცნობას, რომ საქმეზე მთავარ მოწმეს გურამ ამირხანაშვილს ხელებზე და ფეხებზე დაზიანებები აღენიშნება.
პოლიციამ სადაც გიორგის კვალი იკარგება ყველა სათვალთვალო კამერა ამოიღო, სამართალდამცველებმა გამოკითხეს მძღოლები, რომლებიც არაგვის მიმართულებით გადაადგილდებოდნენ.19 ივნისს, დაახლოებით 11 საათზე გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. ცნობილია, რომ ახალგაზრდა ფეხბურთელი წვეულებაზე მცხეთაში იმყოფებოდა, სადაც ჩხუბი მოხდა. იმ ღამის შემდეგ იკარგება შაქარაშვილის კვალი.შაქარაშვილის საქმეზე გამოძიება 143-ე მუხლით არის დაწყებული, რაც თავისუფლების უკანონო აღკვეთას გულისხმობს, თუმცა, სავარაუდოდ, მუხლი გადაკვალიფიცირდება.