ჩინეთს აშშ-ის, დიდი ბრიტანეთისა და კანადის სპეცსამსახურები კოვიდ19-ის შესახებ მონაცემების დამალვასა და განადგურებაში ადანაშაულებენ

2020-05-03 18:16:05, 2147 ნახვა

მსოფლიო

ჩინეთს აშშ-ის, დიდი ბრიტანეთის, ავსტრალიის, კანადისა და ახალი ზელანდიის სპეცსამსახურები კოვიდ19-ის შესახებ მონაცემების დამალვაში ადანაშაულებს.

აღნიშნულის შესახებ საუბარია საგამოძიებო დოკუმენტში, რომლის ავტორი სადაზვერვო ალიანსი „ხუთი თვალია“. აღნიშნული დოკუმენტის თანახმად, პეკინი 2019 წლის დეკემბრის დასაწყისში ფლობდა მტკიცებულებას ინფექციის ადამიანიდან ადამიანზე გადაცემის შესახებ, მაგრამ ამ ფაქტს 2020 წლის 20 იანვრამდე უარყოფდა.

კვლევაში ასევე ვკითხულობთ, რომ ჩინეთმა უჰანის პროვინციაში კორონავირუსის ეპიდემიის შესახებ მტკიცებულებები გამიზნულად დაფარა ან გაანადგურა.

„ჩინეთმა უჰანის პროვინციაში კორონავირუსის ეპიდემიის შესახებ მტკიცებულებები გამიზნულად დაფარა ან გაანადგურა. ჩინეთის ხელისუფლება აიძულებდა ექიმებს გაჩუმებულიყვნენ. ჩინეთი ლაბორატრიებში ვირუსის შესახებ მონაცემებს ანადგურებდა და იმ უცხოელი მეცნიერებისთვის, რომლებიც ვაქცინის შექმნისთვის მუშაობდნენ, ის უარს აცხადებდა ბიომასალების მიწოდებაზე", - წერს The Daily Telegraph.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან