ეკონომიკისა და მდგრადი განვითარების მინისტრის, ნათია თურნავას განცხადებით, უახლოეს თვეებში სულ მცირე 300 მცირე და საშუალო მეწარმე მიიღებს დახმარებას.

მისი თქმით, ისინი პრაქტიკულად აორმაგებენ იმ დარგების არეალს, რომელსაც პროგრამის ფარგლებში დაეხმარებიან.

„დღეს ჩვენ პრაქტიკულად ვაორმაგებთ იმ დარგების არეალს, რომელსაც პროგრამის ფარგლებში დავეხმარებით და სულ მცირე 300 მცირე და საშუალო მეწარმე მიიღებს ამ დახმარებას უახლოეს თვეებში“, - განაცხადა ნათია თურნავამ.

მანვე აღნიშნა, პროგრამის ფარგლებში, ბიზნესს სესხის უზრუნველყოფის 90%-ში დაეხმარებიან. რაც საშუალებას მისცემს ბიზნესს, რომ დამატებითი უზრუნველყოფის მოძიება აღარ დასჭირდეს.

„ძალიან მნიშვნელოვანი პროგრამაა ჩვენი განახლებული საკრედიტო სქემა. საკრედიტო საგარანტიო მექანიზმი. ეს არის ისეთი დახმარების პროგრამა, როდესაც სახელმწიფო ეხმარება ბიზნესს სესხის უზრუნველყოფაში. აქამდე ჩვენ მივყვებოდით ბიზნესს სესხის 70%-ში და დღეს როდესაც საუბარია სესხის მოზიდვაზე, 90%-ით, ანუ პრაქტიკულად სრულად იქნება ჩვენი უზრუნველყოფით გაკეთებული. ბიზნესებს არ დასჭირდება დამატებითი უზრუნველყოფის მოტანა“, - აღნიშნა თურნავამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან