გუშინდელი პრეზენტაცია თავიდან ბოლომდე პროპაგანდა იყო, რაც ემსახურებოდა მთავრობის ნაკლოვანებების გადაფარვას, - ასე ეხმაურება მთავრობის ანტიკრიზისულ გეგმას „ნაციონალური მოძრაობის“ წევრი ნიკა მელია.

მისი თქმით, ის, რაც გუშინ გიორგი გახარიამ საზოგადოებას აკადრა, ენით აღუწერელი კადნიერებაა.

„უკანასკნელი 8 წლის განმავლობაში რა ტყუილი არ მოგვისმენია ხელისუფლებისაგან. რა ფუჭი დაპირება არ გაუცია მილიარდელს და მის ხელისუფლებას საზოგადოებისთვის.

ის, რაც გუშინ მათ იკადრეს არ უკადრებიათ გუშინდელ დღემდე არასდროს, ერთი საკუთარი თავისთვის და მეორე, რაც ყველაზე მტკივნეულად არის აღსაქმელისაზოგადოებისთვის. არ უკადრებიათ, თუმცა სამართლიანობისთვის უნდა ვთქვა, რომ გუშინ მილიარდელის წარმომადგენელმა, ბატონმა გახარიამ არ მოატყუა ყველა, რადგან უბრალოდ, ძალიან ბევრი საზოგადოებრივი ფენა და კატეგორია, რომელიც დახმარების მოლოდინშია, არც კი უხსენებია. შესაბამისად, ვერც მოატყუებდა. ეს არის ენით აღუწერელი კადნიერება, რაც გუშინ მილიარდელის წარმომადგენელმა გახარიამ აკადრა საზოგადოების ძალიან დიდ ნაწილს. გუშინ, მთელი საათის განმავლობაში, ბატონი გახარია საუბრობდა ციფრებზე, პროცენტებზე, რიცხვებზე, შავი გაასაღა თეთრად, პირველი კაცი ბოლოდ და ბოლო პირველად. თურმე არ ქონია ამ ყველაფრის საუბრის საფუძველი მთავრობას.

საგანგებო ბიუჯეტი არ არის. სად არის ის წყალწაღებული 3 მილიარდ 500 მილიონი ლარი? არ არის, არ არსებობს ეს თანხა. გუშინდელი პრეზენტაცია თავიდან ბოლომდე იყო პროპაგანდა და მეტი არაფერი. ეს ემსახურებოდა რამდენიმე დღით თავიანთი ძირითადი ნაკლოვანებების გადაფარვას, მაგრამ რამდენიმე დღემაც კი ვერ გასტანა და უკვე ყველამ ვიცით რასთან გვაქვს საქმე. საგანგებოს ბიუჯეტს, რომელსაც ვერ ამტკიცებენ. რადგან არ არსებობს დაფინანსების წყაროები და მაისის ბოლომდე ვერ აკეთებენ ამას, რაც ნიშნავს, რომ მაისის ბოლომდე დახმარება ვერავიმდე ვერ მივა, ვერც ერთი ოჯახის კარამდე“, - განაცხადა ნიკა მელიამ.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან