ეკონომიკისა და მდგრადი განვთარების მინისტრის, ნათია თურნავას განცხადებით, შემდეგ კვირაში დაიწყება პრიორიტეტულად ონლაინ ვაჭრობის მქონე კომპანიების მონიტორინგი.

მისი თქმით, მოხდება იმ უსაფრთხოების სტანდარტების გადამოწმება, რომელიც ბიზნესებმა უნდა დააკმაყოფილონ.

„მინდა გულახდილად მოგახსენოთ, რომ იმ ეპიდემიოლოგიური საფრთხეების გათვალისწინებით და იმ ვითარებისა, როდესაც ჩვენ შევდივართ ძალიან კრიტიკულ ვითარებაში, გვიწევს განსაკუთრებული ზომების მიღება. საგანგებო ვითარების დასრულებამდე არ არის მოსალოდნელი, რომ ჩვენ დავიწყებთ აქტიურად ბიზნესების ამოქმედებას ვინც დროებით შეჩერდა და ახლა ემზადება იმისთვის, რომ ადრე თუ გვიან დაიწყოს ისევ მუშაობს. სამაგიეროდ, ამ პერიოდს ჩვენ ძალიან აქტიურად გამოვიყენებთ, რათა დავასრულოთ ბიზნესების მონიტორინგი და გადამოწმება. გადამოწმება იმ უსაფრთხოების სტანდარტებისაა, რაც მათ უნდა დააკმაყოფილონ იმისთვის, რომ როგორც კი მოგვეცემა შესაძლებლობა დავიწყოთ შერბილება შემაკავებელი ზომების და კვლავ ავამოქმედოთ ეკონომიკა ყველა იყოს ამისთვის მზად და შემოწმებისთვის დამატებითი დრო აღარ დაგვჭირდეს.

ასევე მინდა ვთქვა პრიორიტეტებთან დაკავშირებითაც. ერთ-ერთი პრიორიტეტი ბიზნეს სექტორებს შორის იმ მომენტისთვის, როდესაც ჩვენ დავიწყებთ ეკონომიკის მართვას და ამოქმედებას, იქნება ონლაინ ვაჭრობა და ის კომპანიები, ვინც დაკავებულია ონლაინ ვაჭრობით ან გადაერწყვნენ ონლაინ ვაჭრობაზე. აქედან გამომდინარე, შემდეგ კვირაში ჩვენ პრიორიტეტულად დავიწყებთ სწორედ ონლაინ ვაჭრობის კომპანიების მონიტორინგს და შემოწმებას, რაც მოგვცემს შესაძლებლობას, რომ უფრო სწრაფად და ხარისხიანად შევამზადოთ ეს სექტორი იმ მომენტისთვის, როდესაც ჩვენ ყველა ერთად დავიწყებთ ეკონომიკის ამოქოქვას და მათ ექნებათ შესაძლებლობა უსაფრთხო საქმიანობის“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა

უკრაინაში კიდევ ერთი ქართველი მებრძოლი დაიღუპა

ძალოვანებმა პუტინს შესთავაზეს სახელმწიფო დუმის არჩევნების გაუქმება ეკონომიკური პრობლემებისა და დრონების თავდასხმების გამო