მივიღეთ 2 ახალი პაციენტი, ერთ-ერთი 14 წლის, რომელიც გადმოყვანილია სხვა კლინიკიდან - ამის შესახებ პირველი საუნივერსიტეტო კლინიკის დირექტორმა, ლევან რატოანმა გამართულ ბრიფინგზე ისაუბრა.

მან ასევე განაცხადა, რომ პაციენტი მოთავსებულია თერაპიულ განყოფილებაში.

„ამ ეტაზე ჩვენ 71 პაციენტი გვყავს, 53 ინფიცირებული, 2 გავწერეთ, მაგრამ ეს ამ 53-ში არ შედის. მივიღეთ 2 ახალი პაციენტი, ერთ-ერთი 14 წლის, რომელიც გადმოყვანილია სხვა კლინიკიდან.

კლინიკური კვლევების შედეგად ამ ეტაპამდე, ამ მოზრდილთან გამოვლენილია კოვიდ ინფიცირება და ზედა სასუნთქი გზებისთვის დამახასიათებელი კლინიკური გამოვლინებები. ჩაუტარდა ყველა გამოკვლევა სტანდარტის მიხედვით და პაციენტი მოთავსდა თერაპიულ განყოფილებაში.

რაც შეეხება კრიტიკული მედიცინის დეპარტამენტში მყოფი პაციენტების მდგომარეობას, მათი დინამიკა უცვლელია, კლინიკაში ამ 53 პაციენტიდან გვყავს 27 კომპიუტერული ტომოგრაფიით დადასტურებული, მწვავე პნევმონიით.

დღეისათვის გაგზავნილია რამოდენიმე ტესტი ლუგარის ლაბორატორიაში და ველოდებით დღის მეორე ნახევარში პასუხებს.

მოგეხსენებათ, რომ სახელმწიფო პროტოკოლში რომლის ავტორი მეც გახლავართ, ბატონ თენგიზთან ერთად ჩადებული გვაქვს პლაქველინო თერაპია და იმ პაციენტებთან რომელბსაც ვფიქრობთ, რომ კლინიკურად უნდა დავნიშნოთ პლაქველინი, პრეპარატით მკურნალობა ინიშნება.

მოგეხსენებათ სულ ერთი თვეა რაც კლინიკამ დაიწყო ბრძოლა კოვიდ-19-თან დაწყებული გვაქვს სტანდარტული თერაპია, გადაგზავნილი გვაქვს სტატისტიკა დამუშავებაზე. რამდენიმე დღეში ველოდებით პასუხს და ზოგად ინფორმაციას მოგაწვდით ამასთან დაკავშირებით“, - განაცხადა ლევან რატოანმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა

თალიბანის პოლიციამ ცეცხლი გაუხსნა „ჰიჯაბის არასათანადო “ ტარების გამო ქალების დაპატიმრების წინააღმდეგ გამართული საპროტესტო აქციას

Axios-ის ცნობით, ირანმა თავს დაესხა აშშ-ის ბაზებს ბაჰრეინში, ქუვეითსა და იორდანიაში.