ლიეტვის საგარეო საქმეთა მინისტრმა კესტუტის ბუდრისმა განაცხადა, რომ კიევში ქვეყნის საელჩოს შენობა დაზიანდა უკრაინის დედაქალაქზე რუსეთის მიერ ღამით განხორციელებული თავდასხმის შედეგად.

ლიტვის საგარეო საქმეთა სამინისტროს ხელმძღვანელის თქმით, რაკეტები დიპლომატიური მისიის შენობიდან სულ რამდენიმე მეტრში ჩამოვარდა. საელჩოს თანამშრომლები არ დაშავებულან.

"წუხელ კიევზე რუსეთის თავდასხმის დროს დაზიანდა ლიტვის საელჩოც. რაკეტები შენობიდან სულ რამდენიმე მეტრში ჩამოვარდა. საბედნიეროდ, ჩვენი თანამშრომლები არ დაშავებულან", - წერს ბუდრისი სოციალურ ქსელში.

მისი თქმით, ლიტვის საგარეო საქმეთა სამინისტრო ახსნა-განმარტებისთვის რუსეთის წარმომადგენელს ვილნიუსში დაურეკავს.

ლიტვის საგარეო საქმეთა მინისტრმა უკრაინაზე რუსეთის მიერ განხორციელებულ დარტყმებს უწოდა „ტერორის კამპანია“ და განაცხადა, რომ მოსკოვი არ აჩვენებს მზადყოფნას შეწყვიტოს საომარი მოქმედებები ან გადავიდეს მოლაპარაკებებზე.

”კრემლის მიზანი იგივე რჩება: განადგურება, სიკვდილი და დაშინება”, - თქვა ბადრისმა.

მისი თქმით, დასავლეთის პასუხი უნდა იყოს რუსეთზე ზეწოლის გაზრდა ახალი სანქციებით და უკრაინის მხარდაჭერის გაზრდა.

„აუცილებელია რუსეთზე ზეწოლა გამკაცრებული სანქციებით და უკრაინისადმი მხარდაჭერის გაზრდა“, - აღნიშნა მინისტრმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება