ახალი კორონავირუსის გავრცელების პრევენციის მიზნით, საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ ირაკლი ქარსელაძემ დაავადებათა კონტროლისა და საზოგადოებრივი ჯანმრთელობის ეროვნული ცენტრის ეპიდემიოლოგ გიორგი ჩახუნაშვილთან შეხვედრაზე ის რეკომენდაციები განიხილა, ახალი კორონავირუსის პრევენციის მიზნით ინფრასტრუქტურული სამუშაოების წარმოებისას უშუალოდ ობიექტებზე გასატარებელი რეფორმები. 

„შეხვედრის ფარგლებში შემუშავდა მთელი რიგი რეკომენდაციები. მათი დიდი ნაწილი უკვე სრულდება, თუმცა გარკვული პოზიციები დაზუსტდა დღეს და უკვე ხვალ მიეწოდება შესაბამის კომპანიებს. აღნიშული რეკომენდაციების შესრულება საშუალებას მოგვცემს გავაგრძელოთ ინფრასტრუქტურული პროექტების განხორციელება და მინიმუმამდე დავიყვანოთ ყველა შესაძლო რისკი“- განაცხადა საქართველოს რგიონული განვითარებისა და ინფრასტრუქტურის მინისტრის პირველმა მოადგილემ ირაკლი ქარსელაძემ.

მიღებული რეკომენდაციების სამშენებლო სექტორითვის გაცნობის მიზნით, ირაკლი ქარსელაძე იმავე დღეს „ინფრატსრუქტურის მშენებელთა ასოციაციის“ წარმომადგენლებსაც შეხვდა.
ვინაიდან ინფრატსრუქტურული პროექტების განხორციელება ჩვეულ რეჟიმში გრძელდება და მეტიც, იწყება არაერთი ახალი პროექტი, დაავადებათა კონტროლის ცენტრისგან მიღებული რეკომენდაციების სამშენებლო სექტორისთვის გაცნობას, სამინისტროსთან ერთად, „ინფრატსრუქტურის მშენებელთა ასოციაც“ უზრუნველყოფს.

„საკმაოდ მნიშვნელოვანი შეხვედრა იყო დღეს არსებულ ვითარებასთან დაკავშირებით. პირველ რიგში, ვიმსჯელეთ პერსონალის მოფრთხილების საკითხებზე. ჩვენ დამატებით კონკრეტულ მითითებებს მივიღებთ ინფრასტრუქტურის სამინისტროსგან იმ კუთხით, რაც სპეციფიკურია ინფრასტრუქტურული პროექტებისთვის. ძალიან მნიშვნელოვანია, რომ ის დარგი, რომელშიც ჩვენი ასოციაციის წევრები მუშაობენ, არის დარგი რომელიც დღეს არ ჩერდება და მეტი ინტენსივობით მუშაობს, რათა მაქსიმალურად ნაკლები იყოს უარყოფითი ეფექტი ეკონომიკაზე შექმნილი ვითარების გამო“ - აღნიშნა ინფრასტრუქტურის მშენებელთა ასოციაციის აღმასრულებელმა დირექტორმა ანა საბახტარიშვილმა.
დაავადებათა კონტროლისა და საზოგადოებრივი ჯანმრთელობის ეროვნული ცენტრთან ერთად შემუშავებულ რეკომენდაციებს, ინფრასტრუქტურის სამინისტროსა და მისი საქვეუწყებო დაწესებულებების კონტრაქტორი ორგანიზაციები მიიღებენ ელექტრონული ფორმით. სხვა სამშენებლო კომპანიებისთვის ინფორმაციის მიწოდებას კი უზრუნველყოფს „ინფრასტრუქტურის მშენებელთა ასოციაციაცია“. 

ავტორი: ექსპრესნიუსი,

სოციალური ქსელები

კობახიძემ თინათინ რუხაძის და მისი მოადგილის გათავისუფლების შესახებ ბრძანება გამოსცა

სუს-მა ცეცხლსასროლი იარაღისა და საბრძოლო მასალის მართლსაწინააღმდეგო გასაღების ფაქტზე უცხო ქვეყნის მსხვილი კრიმინალური დაჯგუფების სამი წევრი დააკა

საგარეო მიესალმება ნაურუს მიერ ოკუპირებულ ცხინვალთან და აფხაზეთთან დიპლომატიური ურთიერთობების გაუქმებას

კუპრაძე - არაბული ინვესტიციები, რეალურად, არ არსებობს