ელისაბედ II პანდემიასთან დაკავშირებით პირველ განცხადებას აქვეყნებს

2020-03-19 22:10:45, 2144 ნახვა

მსოფლიო

ელისაბედ II დიდი ბრიტანეთის მოსახლეობას ღია წერილით საკუთარი "ინსტაგრამის" მეშვეობით მიმართავს:

"მე და ფილიპი დღეს ვინდზორში გამგზავრების გადაწყვეტილება მივიღეთ. გვესმის, რომ როგორც გაერთიანებული სამეფოს, აგრეთვე მთელი მსოფლიოს ჯახები ღელავენ და გაურკვევლობას გრძნობენ. დღეს ჩვენი ცხოვრების ჩვეული რიტმის შეცვლას გვირჩევენ, რათა დავიცვათ საზოგადოება და კერძოდ ისინი, ვისაც ეს დაცვა ყველაზე მეტად ესაჭიროება. ასეთი მომენტები მაგონებს წარსულის წლებს, როცა ჩვენი საზოგადოება ერთიანდებოდა და საკუთარი ძალების კონსოლიდაციას ერთი მიზნის მისაღწევად ახერტხებდა. ექიმების, მეცნიერების და გადაუდებელი დახმარების მუშაკების ძალისხმევას დიდად ვაფასებთ და ახლა გვაქვს ერთი სასიცოცხლო მნიშვნელობის მისია, რომელიც უნდა აღვასრულოთ-ბევრმა ჩვენთაგანმა უნდა მონახოს სხვა, ალტერნატიული გზა ახლო ადამიანებთან ურთიერთობისა, რათა მათ ჯანმრთელობას საფრთხე არ შევუქმნათ. დარწმუნებული ვართ, რომ ამ ამოცანას თავს გავართმევთ. ჩვენი ოჯახი ამისთვის მზადაა" , - წერს დედოფალი.