2020-03-18 11:44:30, 8785 ნახვა

---

ინფექციურ საავადმყოფოში გუდაურიდან გადაყვანილ პირებს კორონავირუსი არ დაუდასტურდათ

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, იმ პაციენტებს, რომლებსაც დღეს კორონავირუსი დაუდასტურდათ, გუდაურის შემთხვევასთან კავშირი არ აქვთ. მისი თქმით, გუდაურიდან ინფექციურ საავადმყოფოში შეყვანილ რამდენიმე პირს ტესტირების შედეგად კორონავირუსი არ დაუდგინდათ. „ეს არ არის გუდაურის შემთხვევები. გუდაურიდან როგორც შესაძლო შემთხვევა, რამდენიმე პირი იქნა ჩვენთან შემოყვანილი სადიაგნოსტიკოდ. მათთან გამოირიცხა ეს დაავადება და გადაყვანილები არიან საკარანტინე სივრცეში. რამდენიმე ასეთი კონტაქტის კვლევა ჩვენთან მოხდა, მაგრამ იყო ნეგატიური პასუხი“, - განაცხადა მარინა ეზუგბაიამ. ცნობისთვის, რამდენიმე დღის წინ გუდაურში მყოფ ჩეხეთისა და სლოვაკეთის ტურისტებს კორონავირუსი დაუდასტურდათ. ტურისტებს ინფექცია უცხოეთში დაბრუნების შემდეგ აღმოაჩნდათ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი