საქართველოს საგარეო საქმეთა მინისტრი, დავით ზალკანიანი 2020 წლის 10 მარტს, საქართველოში, შვედეთის და გერმანიის საგანგებო და სრულუფლებიან  ელჩებს  ულრიკ ტიდესტრომსა და ჰუბერტ ქნირშს შეხვდა.

შეხვედრაზე მხარეებმა განიხილეს ორმხრივი და მრავალმხრივი თანამშრომლობის აქტუალური საკითხები. მათ მაღალი შეფასება მისცეს საარჩევნო სისტემის საკითხზე საქართველოს ხელისუფლებასა და ოპოზიციურ პარტიებს შორის მიღწეულ შეთანხმებას. მათი განცხადებით, აღნიშნული ფაქტი ადასტურებს, რომ საქართველო ინარჩუნებს ღირსეულ ადგილს საერთაშორისო დემოკრატიულ საზოგადოებაში. თავის მხრივ საგარეო საქმეთა მინისტრმა მადლობა გადაუხადა საერთაშორისო პარტნიორებს მათი აქტიური ძალისხმევისათვის ამ პროცესში.

შეხვედრაზე საუბარი ასევე შეეხო მსოფლიოს მასშტაბით და განსაკუთრებით ევროპის კონტინენტზე კორონავირუსის (COVID19) გავრცელების საკითხს. გაიცვალა ინფორმაცია ვირუსის გავრცელების პრევენციის მიზნით საქართველოში, გერმანიასა და შვედეთში მთავრობის მიერ გატარებული ღონისძიებების შესახებ. შეხვედრის დასასრულს, მხარეები შეთანხმდნენ განაგრძონ აქტიური მუშაობა ქვეყნებს შორის არსებული მჭიდრო თანამშრომლობის შემდგომ გაღრმავებაზე.

ავტორი: ექსპრესნიუსი,

სოციალური ქსელები

ცოტნე ანანიძე: სამწუხაროდ, დანაშაული ხდება ყველგან და მოხდება, ვიდრე კაცობრიობა იარსებებს

ზარქუა ოქრიაშვილზე თავდასხმაზე: ცუდია, რაც მოხდა, მაგრამ არავის გაუტარებს ქართული საზოგადოება

23 ივლისის საღამოდან 24 ივლისის დილამდე საქართველოს უმეტეს ტერიტორიაზე დროგამოშვებით წვიმაა მოსალოდნელი

SJC: ოქრიაშვილზე თავდასხმა ოცნებისა და მისი მედიების მიერ დისკრედიტაციის კამპანიის შედეგია