„ახალი საქართველოს“ ლიდერი გიორგი ვაშაძე აცხადებს, რომ საარცევნო სისტემასთან დაკავშირებით, მმართველ გუნდთან მოლაპარაკებებზე ოპტიმისტურადაა განწყობილი.

მისი თქმით, ოპოზიციის, ტელევიზიებისა და მოქალაქეების ჩართულობამ საარჩევნო სისტემის ცვლილების საკითხში, თავისი შედეგი გამოიღო.

„ჩვენ მზად ვართ კიდევ ერთხელ დავფიქრდეთ ამ საკითხებზე, აქ არის პოლიტიკური დევნის კომპონენტიც, ამ მიმართულებით, რა პროგრესი შეიძლება გვქონდეს გავიგებთ და საბოლოო ჯამში ჩამოვაყალიბებთ ჩვენს პოზიციას.

პირველად შემიძლია ვთქვა, რომ ოპტიმისტურად ვარ განწყობილი, ჩვენმა და მათ შორის, ტელევიზიებისა და მოქალაქეების ჩართულობის ძალისხმევამ ამ პროცესში, თავისი შედეგები გამოიღო“, - განაცხადა თავმჯდომარე, გიორგი ვაშაძე.

ცნობისთვის, მმართველ გუნდსა და ოპოზიციას საარცევნო სისტემასთან დაკავშირებით მოლაპარაკების ვადა ორშაბათამდე აქვთ. მხარეებს შორის ფორმალური და არაფორმალური შეხვედრები სავარაუდოდ, დღეს ან ხვალ გაიმართება.

ავტორი: ექსპრესნიუსი,

სოციალური ქსელები

სტეფანე მღებრიშვილი ვერაზე მომხდარ ტრაგედიაზე: ქვეყანა აქციეს ჯოჯოხეთად

LOUDspeakers: საქართველოში ყოველი მომდევნო დღე წინაზე უარესია

ზურაბიშვილი: რატომ გახდა ეს ქვეყანა ტრაგედიის, სიკვდილის, უსამართლობის, სიძულვილისა და სისასტიკის ქვეყანა?

კლინიკის ინფორმაციით, ბათუმში, გუშინ დაჭრილი მამაკაცის ჯანმრთელობის მდგომარეობა მძიმეა და ის მართვით სუნთქვაზე იმყოფება