„დარწმუნებული ვარ, ვახტანგ გომელაური ყველაფერს გააკეთებს იმისათვის, რომ მოლოდინები გაამართლოს“, - ამის შესახებ პრემიერ-მინისტრმა ირაკლი ღარიბაშვილმა შინაგან საქმეთა ახალი მინისტრის წარდგენისას განაცხადა.

როგორც პრემიერმა აღნიშნა, გომელაური პროფესიონალიზმით და საქმისადმი ერთგულებით გამოირჩევა.

„ბატონი ვახტანგი გამოირჩევა თავისი პროფესიონალიზმით, წესიერებით, უანგარობით, საქმისადმი ერთგულებით და პრინციპულობით. ეს არის მეტად საპასუხისმგებლო თანამდებობა. მას აქვს კარგად გააზრებული ის სიმძიმე, რომელიც თან ახლავს ამ თანამდებობას და ეს არის ერთ-ერთი ყველაზე რთული სფერო, მაგრამ ეს სამინისტრო არ არის მისთვის ახალი. ბატონი ვახტანგი უკვე ორი წლის განმავლობაში იკავებდა მინისტრის მოადგილის თანამდებობას და მანამდეც, წლების განმავლობაში ამ სისტემაში უწევდა მუშაობა. მე მინდა ვუსურვო მას წარმატებები. დარწმუნებული ვარ, იგი ყველაფერს გააკეთებს იმისათვის, რომ ჩვენი და ხალხის მოლოდინები გაამართლოს და იყოს წარმატებული მინისტრი“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება