2020-02-27 14:45:28, 1752 ნახვა

---

ელიზაბეთ რუდი - პოლიტიკოსებთან შეხვედრა კონსტრუქციული იყო, უახლოეს დღეებში, ყველა მხარემ უნდა გამოხატოს საკუთარი პოზიცია

„შემიძლია განვაცხადო, რომ შეხვედრა იყო კონსტრუქციული“, - ამის შესახებ საქართველოში აშშ-ის ელჩის მოადგილემ, ელიზაბეთ რუდმა ევროკავშირის ელჩის რეზიდენციაში გამართული შეხვედრის დასრულების შემდეგ განაცხადა.

როგორც მან აღნიშნა, მმართველმა გუნდმა და ოპოზიციამ უახლოეს დღეებში უნდა გამოხატონ საკუთარი პოზიცია.

„განვიხილეთ პოლიტიკური საკითხები, თუმცა არ ვაპირებ დავაკონკრეტო ჩვენი დისკუსიის თემები. შემიძლია განვაცხადო, რომ შეხვედრა იყო კონსტრუქციული. ყველა მხარეს აქვს ის, რაზეც უნდა იფიქროს და უახლოეს დღეებში გამოხატოს საკუთარი პოზიცია“, - განაცხადა ელიზაბეთ რუდმა.

ცნობისთვის, ევროკავშირის ელჩის რეზიდენციაში მმართველი გუნდისა და ოპოზიციის შეხვედრა გაიმართა, რომელსაც საქართველოს პარლამენტის თავმჯდომარე არჩილ თალაკვაძე და საქართველოში ამერიკის შეერთებული შტატებისა და გერმანიის ელჩები ესწრებოდნენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი