პარლამენტის პირველი ვიცე-სპიკერი გია ვოლსკი, ფრაქცია „ნაციონალური მოძრაობის“ წევრის, ნიკა მელიას საქმეს ეხმაურება.

ვოლსკის განცხადებით, ნიკა მელიასთვის დეპუტატის მანდატის შენარჩუნება რეგლამენტის დარღვევა იქნებოდა.

„რეგლამენტი, პირველი გამამტყუნებელი განაჩენისთანავე იმუნიტეტის მოხსნას ითვალისწინებს. ვინაიდან არ შეიძლება გამტყუნებული ადამიანი დეპუტატის მანდატს ატარებდეს. თუკი სხვა ინსტანციამ გაამართლა შეიძლება აღიდგინოს თავისუფლებები ან მიიღოს სრული კომპენსაცია განაცდურისათვის“, - განაცხადა გია ვოლსკიმ.

ცნობისთვის, ნიკა მელიას სარჩელს საკონსტიტუციო სასამართლო განიხილავს. მას სადეპუტატო მანდატი პარლამენტმა 2019 წლის 12 დეკემბერს შეუწყვიტა, რომელსაც მხარი 88 პარლამენტარმა დაუჭირა, წინააღმდეგი კი არავინ იყო.

მელიასთვის დეპუტატის უფლებამოსილების შეწყვეტის საკითხი დღის წესრიგში მას შემდეგ დადგა, რაც ბანკი „ქართუს“ გაკოტრების საქმეზე, სამსახურეობრივი უფლებამოსილების ბოროტად გამოყენების ნაწილში სასამართლომ მის მიმართ გამამტყუნებელი განაჩენი გამოიტანა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია