„ჩვენ ლობისტურ ჯგუფებს ვქირაობთ და მათთან ვთანამშრომლობთ არა პარტიული ინტერესებისთვის, არამედ პირველ რიგში, სახელმწიფოს ინტერესებისთვის“, - ასე გამოეხმაურა პარლამენტის იურიდიულ საკითხთა კომიტეტის თავმჯდომარე ანრი ოხანაშვილი ლობისტურ ჯგუფებთან მმართველი გუნდის თანამშრომლობის საკითხს.

მისი თქმით, ის ლობისტური ჯგუფები, რომლებიც ფრაქცია „ნაციონალურ მოძრაობას“ ჰყავდა, სახელმწიფოს იმიჯის ნაცვლად პარტიულ ინტერესებზე ზრუნავდნენ.

„ლობისტური საქმიანობა ამერიკის შეერთებულ შტატებში ჩვეულებრივი დემოკრატიის შემადგენელი კომპონენტია. შესაბამისად, ეს მხოლოდ მისასალმებელია. მაშინ როდესაც, ჩვენს სტრატეგიულ პარტნიორებზე და საუბარი იმაზე, რომ მათ მაქსიმალურად ობიექტური, ზუსტი ინფორმაცია უნდა მივაწოდოთ, არაფერია გასაკვირი იმაში, რომ ჩვენ გვეყოლება ლობისტური ჯგუფები, რომლებიც ჩვენ დაგვეხმარებიან კონკრეტული ინფორმაციების ზუსტად და ობიექტურად მიწოდებაში. მთავარია რომ ლობისტური ჯგუფები, რომლებიც ჰყავდა და ჰყავს „ნაციონალურ მოძრაობას“ დღესაც, მათი ხელისუფლების პირობებში ეს ლობისტური ჯგუფები სახელმწიფოს იმიჯზე და ინტერესებზე კი არ ზრუნავდნენ, ზრუნავდნენ პარტიულ ინტერესებზე. ჩვენ ლობისტურ ჯგუფებს ვქირაობთ და მათთან ვთანამშრომლობთ არა პარტიული ინტერესებისთვის, არამედ პირველ რიგში სახელმწიფოს ინტერესებისთვის და სახელმწიფოს ბიუჯეტი ხმარდება სახელმწიფოს ინტერესებს და არა პარტიულ ინტერესებს“, - განაცხადა ანრი ოხანაშვილმა.

ცნობისთვის,  „ქართულმა ოცნებამ“ ამერიკულ ლობისტურ კომპანია „დი სი აი გრუპთან“ კონტრაქტი გააფორმა. ლობისტური კომპანია „ქართულ ოცნებას“ ლობირებას გაუწევს, როგორც სანდო პარტნიორს დემოკრატიის საკითხში.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია