საქართველოს 29 იანვარს, 2 დღიანი ვიზიტით ნატო-ს გენერალური  მდივნის მოადგილე ალექსანდრ ვერშბოუ ეწვევა.

ამის შესახებ ორშაბათის ტრადიციულ ბრიფინგზე საგარეო საქმეთა სამინისტროს სპიკერმა დავით კერესელიძემ განაცხადა.

მისი თქმით, ნატო-ს გენერალური მდივნის მოადგილის ვიზიტის მთავარ მიზანს ნატო-საქართველოს არსებითი პაკეტის განხორციელების მონიტორინგი წარმოადგენს.

როგორც კერესელიძემ აღნიშნა, ალექსანდრე ვერშბოუ ვიზიტის ფარგლებში საქართველოს პრეზიდენტს და პრემიერ-მინისტრს, ასევე პარლამენტის თავმჯდომარეს და მთავრობის წევრებს შეხვდება.

„ვიზიტის ფარგლებში ნატო-ს გენერალური მდივნის მოადგილე არსებითი პაკეტით გათვალისწინებული ნატო-საქართველოს ერთობლივი საწვრთნელი ცენტრის მშენებლობის ადგილს მოინახულებს. ალექსანდრე ვერშბოუ ასევე საქართველოს ატლანტიკური საბჭოს მიერ ორგანიზებულ ღონისძიებაზე საჯარო ლექციას წაიკითხავს“, - განაცხადა დავით კერესელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება