„ერთადერთი პოლიტიკური პარტია, ვისაც აქვს გამარჯვების შანსი, ვისაც შეუძლია მოიპოვოს უმრავლესობა, საკონსტიტუციო უმრავლესობაც კი, ეს არის „ქართული ოცნება დემოკრატიული საქართველო“,- ამის შესახებ დედაქალაქის მერმა კახა კალაძემ განაცხადა.

კალაძემ საარჩევნო სისტემაზეც გაამახვილა ყურადღება და აღნიშნა, რომ თუ ოპოზიცია არ დათანხმდება მმართველი გუნდის მიერ შეთავაზებულ კომპრომისულ ვარიანტს, მაშინ არჩევნები ჩატარდება არსებული სისტემით.

„ირაკლი კობახიძეს ვეთანხმები, რომ ერთადერთი პოლიტიკური პარტია, ვისაც აქვს გამარჯვების შანსი და მოიპოვოს უმრავლესობა, ეს არის „ქართული ოცნება დემოკრატიული საქართველო“, შეიძლება საკონსტიტუციო უმრავლესობაც კი. საზოგადოებაში არის ძალიან დიდი მხარდაჭერა. მგონი ყველა ყველაფერს ხედავს, თუ რა ხდება, რა მდგომარეობაა, რა გამოწვევებია და ერთადერთი ძალა, რომელსაც აქვს საზოგადოების მხარდაჭერა არის „ქართული ოცნება“. სხვა დანარჩენი, ვინ რამდენ პროცენტს აიღებს დამოკიდებულია ხალხზე, მე დარწმუნეული ვარ ხალხის მხარდაჭერით იქნება ეს გამარჯვება. ოპოზიციის გადასაწყვეტია როგორ იმოქმედებენ, მთავარია შევჯერდეთ საარჩევნო სისტემაზე. ჩვენი მხრიდან გაკეთებული კომპრომისული ვარიანტი , 100/50-ზე იქნა შეთავაზებული, თუ ისინი დათანხმდებიან ამ ვარიანტს - დათანხმდებიან, თუ არა და არჩევნები ჩატარდება არსებული სისტემით“, - განაცხადა კახა კალაძემ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია