საგანმანათლებლო პროექტის მონაწილეთა რეგისტრაცია დაიწყო

საქართველოს პირველი დემოკრატიული რესპუბლიკის შესახებ იუსტიციის სამინისტროს ეროვნული არქივის  ყოველწლიურ სასკოლო-საგანმანათლებლო პროექტში მონაწილეობის მსურველთა რეგისტრაცია დაიწყო. განაცხადების მიღება 29 თებერვლის ჩათვლით გაგრძელდება.

საგანმანათლებლო პროექტს - საქართველოს პირველი დემოკრატიული რესპუბლიკა - 2015 წელს ჩაეყარა საფუძველი და მისი მიზანი ჩვენი ქვეყნის 1918-1921 წლების ისტორიით მოსწავლეთა დაინტერესებაა. წლევანდელი ღონისძიება საქართველოს ეროვნული არქივის დაარსებიდან 100 წლის იუბილეს ეძღვნება.

კონკურსში მონაწილეობა შეუძლიათ VIII-XII კლასის მოსწავლეებს. ვიქტორინა ჩატარდება „რა? სად? როდის?" ინტელექტუალური თამაშის პრინციპით. ნახევარფინალი 2020 წლის აპრილში ან მაისში, თბილისში, ქუთაისსა და ბათუმში ერთდროულად გაიმართება. ყველაზე მაღალქულიანი 50 სკოლის გუნდი ფინალში გადავა, რომელიც 2020 წლის მაისში ან ივნისში თბილისში შედგება.

პროექტი საქართველოს განათლების, მეცნიერების, კულტურისა და სპორტის სამინისტროს მხარდაჭერით ხორციელდება.

გამარჯვებულები გამოვლინდებიან რამდენიმე ნომინაციაში და  სხვადასხვა პრიზითა და სიგელით დაჯილდოვდებიან.

პროექტის შესახებ დეტალური ინფორმაციის მიღება შესაძლებელია ბმულზე:  https://archive.gov.ge/ge/saganmanatleblo-proekti-2020-1

ავტორი: NS (სტატია დაფინანსებულია),

სოციალური ქსელები

კუპრაძე - არაბული ინვესტიციები, რეალურად, არ არსებობს

ლელოს წევრი: რუხაძის გადადგომა იმაზე მეტყველებს, რომ ოცნება კორუფციაშია ჩაფლული

ეროვნულმა შეფასების ცენტრმა ერთიანი ეროვნული გამოცდების პირველი შედეგები გამოაქვეყნა

საქართველოს ეროვნული ბანკი მონეტარული პოლიტიკის განაკვეთს, უცვლელად, 8.25 პროცენტზე ინარჩუნებს