შინაგან საქმეთა მინისტრი ვახტანგ გომელაური მიიჩნევს, რომ უწყების ყოფილი ხელმძღვანელის, ლევან იზორიას ძმის მხრიდან პატრულთან ინციდენტის დროს დანაშაულს ადგილი არ ჰქონია.

როგორც მან ჟურნალისტებს განუცხადა, ვახო იზორია აგრესიული იყო, თუმცა გინებას ან ხელით შეხებას ადგილი არ ჰქონია.

მინისტრი ასევე აცხადებს, რომ ვიდეოს პირველი ნაწილის ნახვა საინტერესო იქნებოდა და არ გამორიცხავს, მანამდე პოლიციის თანამშრომლებს თავად იზორიასთვის მიეყენებინათ შეურაცხყოფა.

„აგრესიული საუბარია, არ აგინებს პოლიციას. ხელით არ შეხებია. ეუბნებოდა, „ფორმას გაგხდითო“, არ არის ეს დანაშაული. უარესები ხდება და არ ვაკავებთ, თუნდაც აქციების დროს. მანამდე რა მოხდა იცით? იქნებ მას აყენებდნენ შეურაცხყოფას. რაც ამ ადამიანმა გააკეთა, ძალიან მიუღებელია“, - განაცხადა შს მინისტრმა.

შეგახსენებთ, „მთავარი არხის“ მიერ გავრცელებულ ვიდეომასალაში ჩანს, როგორ აკავებს საპატრულო პოლიციის თანამშრომელი იმ დროინდელი შს მინისტრის მოადგილის, ლევან იზორიას ძმას და მოგვიანებით როგორ აიძულებენ მის გათავისუფლებას. კადრებში ჩანს, როგორ უხსნის პოლიციელი გიორგი დვალიშვილი ვახო (კიტა) იზორიას, რომ საჯარო სივრცეში არ უნდა იგინებოდეს. აღნიშნულმა მაღალჩინოსნის ძმა გააღიზიანა და ის უფრო მეტად აგრესიული გახდა.  მას შემდეგ, რაც სამართალდამცველმა გადაწყვიტა, მისთვის ხელბორკილი დაედო, იზორიამ წინააღმდეგობა გაუწია და აღნიშნა, რომ შს მინისტრის მოადგილის, ლევან იზორიას ძმაა. ამის შემდეგ ადგილზე პოლიციის სხვა მაღალჩინოსნები მივიდნენ და კიტა იზორია გაათავისუფლეს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია