„CRRC-ის ჩატარებული კვლევა არა სამი და ოთხი, არამედ რამდენიმე ათეული პროცენტით აცდა საბოლოო შედეგებს“, - ასე ეხმაურება საპარლამენტო უმრავლესობის ლიდერი მამუკა მდინარაძე ეროვნულ-დემოკრატიული ინსტიტუტის (NDI) მიერ გამოქვეყნებული კვლევის შედეგებს, რომლის მიხედვითაც ხვალ რომ არჩევნები ტარდებოდეს, გამოკითხულთა 20% ხმას „ქართულ ოცნებას“, ხოლო 13% „ნაციონალურ მოძრაობას“ მისცემდა.

მისი თქმით, CRRC-ის მიერ ჩატარებული 2016 წლის მარტის კვლევის თანახმად, „ქართულ ოცნებას“ 15% ჰქონდა, ხოლო არჩევნებში ხმების 49% მიიღო და საკონსტიტუციო უმრავლესობა მოიპოვა.

„CRRC-ის კვლევები არ არის ახალი, ტენდენციურობასთან მიმართებაში შეგვიძლია გავიხსენოთ CRRC-ის ჩატარებული 2016 წლის მარტის კვლევა, სადაც ქართულ ოცნებას ჰქონდა 15%. თუ გამოვალთ შესაბამისი ლოგიკიდან, მაშინ არჩევნებზე ქართულმა ოცნებამ აიღო 49% და მოიპოვა საბოლოო ჯამში, საკონსტიტუციო უმრავლესობა.

ჯიუტად, სამწუხაროდ, საკმაოდ ავტორიტეტული კვლევითი ორგანიზაცია ისევ CRRC ატარებინებს კვლევებს, რომელიც არა სამი და ოთხი, არამედ რამდენიმე ათეული პროცენტით აცდა თითქმის ყველა შემთხვევაში საბოლოო შედეგებს, რაც აისახა ხოლმე  საარჩევნო შედეგებში“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია