„რიგ შემთხვევებში გამოიკვეთა სამართალდამცავთა მიერ უფლებამოსილების გადამეტების აშკარა შემთხვევები“,-ამის შესახებ სახალხო დამცველმა, ნინო ლომჯარიამ ადამიანის უფლებების დაცვის დღესთან დაკავშირებით ანგარიშის გამოქვეყნებისას ისაუბრა.

ომბუდსმენმა ყურადღება,  აქციების დაშლისას სამართალდამცველთა მხრიდან ძალის გადამეტებასა და ჟურნალისტებისთვის პროფესიულ საქმიანობაში ხელის შეშლაზე გაამახვილა.

"მოცემულ შემთხვევაში გაჩნდა ლეგიტიმური კითხვები გამოყენებული ძალის პროპორციულობასთან დაკავშირებით, ასევე, რიგ შემთხვევებში გამოიკვეთა სამართალდამცავთა მიერ უფლებამოსილების გადამეტების აშკარა შემთხვევები. ცალკე ყურადღებას იმსახურებს მოვლენების გაშუქების მიზნით ადგილზე მყოფი ჟურნალისტებისთვის პროფესიულ საქმიანობაში ხელშეშლის, დაკავებისა და დაშავების ფაქტები, რაც წინააღმდეგობაში მოდის მათი დაცულობის ეროვნულ და საერთაშორისო სტანდარტებთან. 18 და 26 ნოემბერს მშვიდობიანი აქციები, ასევე ძალის გამოყენებით დაშალეს. მართალია, მოცემულ შემთხვევებში წინა შემთხვევებთან განსხვავებით, შედარებით მსუბუქი საშუალებების გამოყენებით განხორციელდა დაშალა, თუმცა აქაც ჩნდება კითხვები მიზნის მისაღწევად გამოყენებული საშუალებების თანაზომიერებასთან დაკავშირებით," - აღნიშნა დღეს ნინო ლომჯარიამ.

ცნობისთვის, სახალხო დამცველმა ნინო ლომჯარიამ ადამიანის უფლებების დაცვის დღესთან დაკავშირებით ანგარიში გამოაქვეყნა. სადაც მან 20 ივნისის აქციის დაშლაზე, პრეზიდენტის შეწყალებაზე, მოსამართლეთა შერჩევასა და ოკუპირებულ რეგიონებში არსებულ მდგომარეობაზე ისაუბრა.

ავტორი: ექსპრესნიუსი,

სოციალური ქსელები

ზესტაფონში ავარიის შედეგად 6 ადამიანი დაშავდა

IPI: ვახო სანაიას პატიმრობა განსხვავებული აზრის ჩახშობის კიდევ ერთი საგანგაშო ნაბიჯია

ბათუმში სროლა იყო, დაჭრილია 1 ადამიანი

როგორ შეიქმნა სუხიშვილების ახალი ვიდეო "საქართველოს შემოქმედება, რომელიც არ ჩერდება"