საქართველოს თავდაცვის მინისტრმა მთავრობის სხდომის დასრულების შემდეგ მთავრობის ადმინისტრაციაში გამართულ ბრიფინგზე აშშ-ში  ვიზიტი  შეაფასა.

მინისტრმა  ყურადღება  ვიზიტის ფარგლებში გამართულ ნაყოფიერ  შეხვედრებსა და აშშ - საქართველოს შორის უსაფრთხოების სფეროში თანამშრომლობის სამწლიან  ჩარჩო - ხელშეკრულებაზე გაამახვილა, რომელსაც ხელი პენტაგონში მოეწერა.

მინისტრის განცხადებით, საქართველოს მთავარ სტრატეგიულ პარტნიორთან, აშშ-თან  უპრეცედენტოდ მაღალი დონის თანამშრომლობა აქვს: „პირველი შეფასება, რაც  პენტაგონის უმაღლეს წარმომადგენლის მხრიდან გაკეთდა, იყო შემდეგი, რომ ჩვენს უწყებებს შორის არსებული სტრატეგიული ურთიერთობა არის უმაღლეს დონეზე. ეს არ არის მხოლოდ ჩვენი შეფასება, ეს არის აშშ-ის  პენტაგონის მთავარი წარმომადგენლის შეფასება. ეს, რა თქმა უნდა, კიდევ ერთხელ ხაზს უსვამს იმას, რომ ჩვენს მთავარ სტრატეგიულ პარტნიორთან,  აშშ-თან  გვაქვს უპრეცედენტოდ  მაღალი დონის თანამშრომლობა და ეს დადასტურდა  სწორედ   ვიზიტის ფარგლებში“, - განაცხადა ირაკლი  ღარიბაშვილმა.

როგორც თავდაცვის მინისტრმა აღნიშნა, აშშ-ს მთავრობა და პენტაგონის წარმომადგენლები ქართულ მხარესთან თანამშრომლობის გაგრძელებას მოუთმენლად ელიან.

(NS)

ავტორი: ექსპრესნიუსი,

სოციალური ქსელები

გაეროს უშიშროების საბჭო რუსეთს ჯარების გაყვანისა და ოკუპაციის დასრულებისკენ მოუწოდებს

რუსთაველის რეაბილიტაციის გამო კალაძე მოსახლეობას ორთვიანი მოთმინებისკენ მოუწოდებს

ალასკაში ჩარტერული თვითმფრინავის ჩამოვარდნის შედეგად ბორტზე მყოფი 8 პირი დაიღუპა

საწვავის დეფიციტის ფონზე ოკუპირებულ აფხაზეთში რუსეთიდან ბენზინის პარტია შედის