2019-11-13 17:14:41, 3104 ნახვა
რეგიონი
ართანასა და ფშაველთან, ალპურ ზონაში, დაკვამლიანების რამდენიმე კერა შეინიშნება
კახეთში, სოფლებთან - ართანასა და ფშაველთან, ალპურ ზონაში დაკვამლიანების რამდენიმე კერა შეინიშნება.
შინაგან საქმეთა სამინისტროს საგანაგებო სიტუაციების მართვის სამსახურის ინფორმაციით, ადგილზე უკვე იმყოფებიან მეხანძრე-მაშველთა ჯგუფები.
„ართანასთან მიმდინარეობს სალიკვიდაციო სამუშაოები. სხვა კერებზე ტარდება მონიტორინგის სამუშაოები და სახანძრო-სამაშველო ჯგუფები საჭირო რეაგირებისთვის მზად არიან.
ამ დროისთვის, ხანძრის ტყის მასივზე ან სოფლებზე გავრცელების საფრთხე არ არსებობს. სიტუაცია სრულად ექვემდებარება კონტროლს“, - ნათქვამია შსს-ს განცხადებაში.
ავტორი: ექსპრესნიუსი,
epn.ge (@expressnews.ge)
