„მათ, ვინც ამბობს, რომ ეკლესიამ პრეზიდენტისთვის შეწყალების შუამდგომლობით მიმართვის გადაწყვეტილება შიშის გამო მიიღო, რეალურად ალბათ ურჩევნიათ, მამალაძე საპყრობილეში დარჩეს“, - ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა, მამა ანდრია ჯაღმაიძემ ჟურნალისტებს განუცხადა.

როგორც მან განმარტა, დეკანოზის პატიმრობაში ყოფნა გარკვეული ძალების ინტერესშია, რომლებსაც სურთ, ეს თემა მუდმივად არსებობდეს.

„ბევრჯერ გავაკეთეთ ამაზე განცხადება და ანალიზი საპატრიარქოს დამოკიდებულებისა. როგორც ფიქრობთ, ვინც ასეთ ანალიზს აკეთებს, რომ თითქოს საპატრიარქო იღებს გადაწყვეტილებას რაღაცის გაუთქმელობის საფასურად, როგორ ფიქრობთ, ეს განცხადება ემსახურება თუ არა მამალაძის გათავისუფლების ინტერესებს, თუ პირიქით. არიან ძალები, ვისაც აინტერესებს, რომ მამალაძე იყოს ციხეში და მუდმივად იყოს ეს თემა, რომ საპატრიარქოს უხდებოდეს საუბარი“, - განაცხადა მამა ანდრია ჯაღმაიძემ.

შეგახსენებთ, საპატრიარქო პრეზიდენტს დეკანოზ გიორგი მამალაძის შეწყალების შუამდგომლობით მიმართავს. შესაბამისი გადაწყვეტილება გუშინ, სინოდის სხდომაზე იქნა მიღებული.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა