სახელმწიფო უწყებების, სასამართლოების, მედიისა და არასამთავრობოების ვებ-საიტებზე ჰაკერული თავდასხმა მოხდა.

კერძოდ, თავდასხმა ისეთ ვებგვერდებზე მოხდა, როგორიცაა: საქართველოს პრეზიდენტის საიტი, საერთო სასამართლოების, თბილისის სააპელაციო სასამართლოს, ზუგდიდის რაიონული სასამართლოს, ბათუმის მერიის, ქუთაისის მერიის, მედიასაშუალება topnews.com.ge-ს, საინფორმაციო სააგენტო "Dianews.ge"-ს, არასამთავრობო ორგანიზაცია “მედიის განვითარების ფონდის" და "საზოგადოება და ბანკების" ვებგვერდებზე.

აღნიშნული საიტების გახსნისას საქართველოს ყოფილი პრეზიდენტის, მიხეილ სააკააშვილის ფოტო შემდეგი წარწერით ჩნდებოდა: I'll be back (მე დავბრუნდები).

ამ დროისთვის, საიტების ნაწილი ჩვეულ რეჟიმში მუშაობს, თუმცა საინფორმაციო სააგენტო "Dianews.ge"-ზე, ასევე "საზოგადოება და ბანკების" გვერდზე პრეზიდენტის ფოტო ისევ ჩანს. 

როგორც "ექსპრესნიუსს" შინაგან საქმეთა სამინისტროში განუცხადეს, გამოძიება სსკ-ის 284-ე (კომპიუტერულ სისტემაში უნებართვო შეღწევა) და 286-ე (კომპიუტერული მონაცემის ან/და კომპიუტერული სისტემის ხელყოფა) მუხლებით მიმდინარეობს. 

მოამზადა გიორგი ჩაფიძემ

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს