„საკმაოდ საინტერესო არჩევნები იქნება, თუმცა მგონია, რომ დღეს, „ქართული ოცნება“ გახლავთ ერთადერთი ძალა, რომელსაც აქვს მოგების რეალური შანსი“, - ამის შესახებ პარტიის გენერალურმა მდივანმა და თბილისის მერმა კახა კალაძემ განაცხადა. 

როგორც კალაძემ აღნიშნა, გუშინ ჩატარებული შუალედური არჩევნების შედეგები ცხადყოფს, რომ საზოგადოებაში ყველაზე დიდი მხარდაჭერა „ქართულ ოცნებას“ აქვს.

„ვინ იქნება 2020 წლის პარლამენტში და ვინ რა რაოდენობით შევა, ეს არის დამოკიდებული მხოლოდ და მხოლოდ ჩვენი ქვეყნის მოსახლეობაზე. შესაბამისად, წინასწარ ამაზე საუბარი ცოტა რთულია. საკმაოდ საინტერესო არჩევნები იქნება, თუმცა მგონია რომ დღეს პარტია „ქართული ოცნება“ გახლავთ ერთადერთი ძალა, ვისაც აქვს რეალური შანსი არჩევნები მოიგოს და მთავრობის ჩამოყალიბება მოახერხოს კოალიციის გარეშე. გუშინდელი არჩევნებიც ცხადყოფს, რომ საზოგადოებაში ყველაზე დიდი მხარდაჭერა აქვს „ქართულ ოცნებას. არავინ არ იცის, როგორ მოხდება პარლამენტის დაკომპლექტება, თუ რომელი პარტიები იქნება შესული, იმიტომ რომ თქვენ იცით, რომ საარჩევნო სისტემის ცვლილება ხორციელდება. საინტერესო იქნება და ბევრ პოლიტიკურ პარტიას ექნება შესაძლებლობა, მხარდაჭერის მოპოვების შემთხვევაში ვიხილოთ პარლამენტში, შესაბამისად უნდა დაველოდოთ“, - განაცხადა კახა კალაძემ.

მოამზადა ლანა მრავლაძემ

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს