"შმAXI"-ს უკვე 420 რეგისტრირებული მასწავლებელი ჰყავს. - ამის შესახებ "გირჩის" გავრცელებულ ინფორმაციაშია ნათქვამი.
მათივე ცნობით, "გირჩის" ოფისში "შმAXI"-ში გასაწევრიანებლად ყოველდღე ათეულობით ადამიანი მიდის. მათი უმრავლესობა ის ტაქსისტია, რომლებსაც ტაქსის ახალი რეგულაციების წყალობით, თბილისის მერიამ თვითდასაქმების საშუალება წაართვა. 

რეგისტრაციისთვის ასევე ისეთი ადამიანებიც მიდიან, რომელთაც მხარდაჭერის გამოხატვა და "შმაქსის" პოპულარიზება უნდათ.

"გირჩის" მიერ დაარსებული "შმAXI", საგანმანათლებლო კომპანიაა, ე.წ. ბორბლებიანი სასწავლო დაწესებულება. „შმაქსი"-ს მიერ დაქირავებული მასწავლებლები, იგივე "შმაქსისტები", მგზავრებს თავისუფლებასა და მისგან მოტანილ სიკეთეებზე ელაპარაკებიან და ასევე მათ ავტომობილში "გირჩის" მიერ მიწოდებული აუდიო მასალის ჩართვაც შეუძლიათ. ეს გახლავთ კიდევე ერთი რეგულაცია, რომლის გარღვევაც გირჩმა შეძლო. 

შმAXI-ის სლოგანია #ისწავლეგზადაგზა.

შმაქსაობის მსურველ ნებისმიერ ადამიანს, შეუძლია მივიდეს "გირჩის ოფისში", ბესიკის 4 ნომერში. შესაბამისი ხელშეკრულების გაფორმების შემდეგ, მოსახლეობაში საღი აზრის გავრცელების პროექტში ჩაერთოს და განაგრძოს მუშაობა. 

ასევე შეგახსენებთ, რომ „შმაქსის" გამოძახება ქოლ-ცენტრის მეშვეობითაც არის შესაძლებელი.

ნებისმიერ პირს, ვისაც „შმაქსის" საგანმანათლებლო სერვისის გამოძახება სურს, შეუძლია დარეკოს ნომერზე - 2 052 420. რაც შეეხება "შმაქსის" აპლიკაციას, მზადების პროცესშია და უახლოეს მომავალში მომხმარებელს ამ სერვისით სარგებლობაც შეეძლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს