ნოემბრიდან ბუნებრივი გაზის მომხმარებლებისთვის რეგულაციები გამკაცრდება, - ამის შესახებ "თბილისი ენერჯის" წარმომადგენლებმა დღეს პრესკონფერენციაზე განაცხადეს. 

მათი განმარტებით, თუ ობიექტზე, მათ შორის საცხოვრებელ ადგილას სტანდარტი დარღვეულია, საქმეში პოლიცია ჩაერთვება. როგორც „თბილისი ენერჯის“ წარმომადგენლები განმარტავენ, ახალი წესები ფულად ჯარიმებსაც ითვალისწინებს, თუმცა სანქციების ნაწილი სრულად მხოლოდ 2021 წლიდან ამოქმედდება. 

კომპანიის ტექნიკური დირექტორის მოადგილის გიორგი ლეფსვერიძის თქმით, დეტექტორების მონტაჟიც სავალდებულო ხდება. 

"უმჯობესი იქნება თუ კანონპროექტში ჩაემატება გაზის გაჟონვის დეტექტორების დამონტაჟება ყველა გაზის მომხმარებელთან. ასევე უმჯობესი იქნება კანონპროექტითვე აიკრძალოს დახურულ სივრცეებში ღია წვის კამერიანი დანადგარების მოხმარება, ეს ორი ფაქტორი არის პრევენციის საუკეთესო გზა, " - განაცხადა ლეფსვერიძემ.

"თბილისი ენერჯის" ცნობით, გამკაცრებული რეგულაცია აბონენტებისთვის ფულადი ჯარიმის დაკისრებასაც ითვალისწინებს. ფიზიკური პირები 50 ლარით, იურიდიული და საჯარო დაწესებულებები კი 500 ლარით დაჯარიმდებიან.

მოამზადა გიორგი ჩაფიძემ

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს