“ტურისტული და ფულის მხარჯველი რუსეთი გვინდა და კულტურული და სპორტული ტურისტი არ გვინდა?” – ასე პასუხობს “მეგა ტვ”-ს  ქუთაისის ლადო მესხიშვილის სახელობის თეატრის სამხატვრო ხელმძღვანელმა კოტე აბაშიძემ მოსკოვის თეატრის ვიზიტის გამო გამოთქმულ პროტესტს.

“მესხიშვილის თეატრს ჰყავს 6 დამეგობრენული თეატრი, მათ შორის ერთ-ერთია მოსკოვის ,,ნიკიტკის კარიბჭესთან” , რომლის რეჟიშორიც  დიდი ებრაელი და ჩვენი  დიდი მეგობარი მარკ როზოვსკია. ჩვენ ამ თეატრთან მემორანდუმი გვაქვს გამოფრემული, ეს არის კულტურული ურთიერთობა. ჩვენ  თეატრთან ვახორციელებთ პროექტებს, არც სახელმწიფო ინსტიტუციას  და არც თვით თეატრების კავშირებს ამაში არანაირი მონაწილეობა არ აქვთ,  ეს ყველაფერი პოლიტიკისგან შორს არის.

ნორმალური და საღად მოაზროვნე ადამიანი არ უნდა იყოს ამის წინააღმდეგი. ტურისტული და ფულის მხარჯველი რუსეთი გვინდა და კულტურული და სპორტული ტურისტი არ გვინდა? ეს არის სახალხო დიპლომატიის უმაღლესი რანგი, კულტურული დიპლომატია, ასე არიან ისინი ჩამოსულები გასტროლებზე. ჩემთვის გაუგებარია ეს საპროტესტო ტალღა. თუ საქართველს მასშტაბით გამართულ ფესტივალებში მათ შეუძლიათ მონაწილეობის მიღება, რატომ არ შეიძლება ვუმასპინძლოთ ქუთათურებმაც. ეს არის დემონსტრირება იმისა  რომ, არსებული სიტუაციის მიუხედავად ჩვენ კულტურული, ტურისტული და სპორტული რუსეთის საწინააღმდეგო არაფერი  გაგვაჩნია.” – აცხადებს კოტე აბაშიძე.
მესხიშვილის თეატრთან საქართველოში მოსკოვის თეატრის,"ნიკიტკის კარიბჭეს" გასტროლები გააპროტესტეს. 

აქციის მონაწილეებმა მოსკოვის თეატრალურ დასს და ქუთაისის ლადო მესხიშვილის სახელობის თეატრის ადმინისტრაციას  წითელი ბარათები უჩვენეს.

ავტორი: ექსპრესნიუსი,

სოციალური ქსელები

„ოცნების“ დეპუტატი მიესალმება MMA-ს მებრძოლის მიერ ღირებულებების დასაცავად მოძრაობის შექმნას

გვარამია: MMA მებრძოლის ინიციატივამ შესაძლოა ლინჩის წესით გასამართლება გამოიწვიოს

ივანიშვილის რეჟიმის მხარდამჭერი MMA-ს მებრძოლი ქართული ტრადიციებისა და ღირებულებების დასაცავად მოძრაობას ქმნის

TI: „ოცნებამ“ ჟურნალისტების პარლამენტში აკრედიტაცია ზეწოლის ბერკეტად აქცია