„რუსოფობიური განწყობები არ არსებობს საქართველოში“, - ამის შესახებ პრეზიდენტმა სალომე ზურაბიშვილმა განაცხადა, რითაც რუსეთის საგარეო საქმეთა მინისტრ სერგეი ლავროვის განცხადებას გამოეხმაურა.

პრეზიდენტის შეფასებით, მთავარი რაც შეიძლება მსოფლიოს საქართველომ შემატოს შემწყნარებლობა და ტოლერანტობაა.

„არასოდეს არ არსებობდა და ეს იყო ერთ-ერთი ჩემი თემა აქ, სადაც გამოვდივარ, რომ მსოფლიოს ვუთხრათ, მთავარი, რაც შეიძლება ჩვენ შეიძლება მოვუტანოთ მსოფლიოს, ეს არის ჩვენი შემწყნარებლობა, ტოლერანტობა. არავის მიმართ ჩვენ არ ვართ ფობი და არასოდეს ვყოფილვართ. სხვათა შორის, ამის მაგალითი არის, რომ 1 500 000 რუსი ტურისტი ჩამოვიდა შარშან და არც ერთი ინციდენტი არ არსებობს. დანარჩენი არის პოლიტიკური დაძაბულობა, რომელიც აშკარად არსებობს ორ ქვეყანას შორის და როგორ იქნება სხვანაირად, როცა შენი ტერიტორია ოკუპირებული არის და ამაზე საჭიროა მუშაობა. ამაზე უნდა ვიმუშაოთ, ოღონდ არა მარტო, ჩვენ გვერდით და ვენ ზურგსუკან დგანან ჩვენი პარტნიორები და ამ კუთხით, შეგვიძლია, წინ წავიდეთ“, - აღნიშნა პრეზიდენტმა.

ცნობისთვის,  სერგეი ლავროვმა გაერო-ში გამართულ ბრიფინგზე განაცხადა, რომ „მოსკოვს არასდროს სურდა ხელოვნური მიზეზების გამონახვა საქართველოსთან საჩხუბრად“.

აღნიშნულ კომენტარს საზოგადოებრივი მაუწყებელი ავრცელებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

დააკავეს პირი, რომელმაც თელავში, ქორწილში რუს ქალს დაარტყა

ქუთაისი–წყალტუბო–ცაგერი–ლენტეხის გზაზე ავტოტრანსპორტის მოძრაობა დროებით იკრძალება

თბილისის ერთ-ერთი მაღაზია ერთ თვეში მეოთხედ გაძარცვეს

სალომე ზურაბიშვილი აშშ-ის პრეზიდენტის წერილზე: ეს სტანდარტული პასუხის გარდა სხვა არაფერია