კახა კალაძე: სხვადასხვა უწყებებისთვის ბილეთების გამოყოფა სენსაციური არ არის

2015-07-13 14:17:55, 602 ნახვა

საზოგადოება

„უეფას“ მხრიდან მთავრობისთვის 6000 თუ 5000 ბილეთი იყო გამოყოფილი“,-ამის შესახებ ვიცე-პრემიერმა, ენერგეტიკის მინისტრმა კახა კალაძემ ჟურნალისტებს განუცხადა.
მისივე თქმით, სხვადასხვა უწყებებისთვის ბილეთების გამოყოფა სიახლე არ არის.
ამასთან, კალაძის განმარტებით, სენსაციური არაფერი ხდება.
„ეს არის ნორმალური პროცესი და ამაში სიახლე არაფერია. ყველა თამაშზე ხდება ასე. ეს კორპორატიული ბილეთებია, რომლის გამოყოფაც ყოველთვის ხდება. სენსაციური ამაშია არაფერია. გულშემატკივრებისთვის გამოყოფილი იყო 22 000 ათასი ბილეთი, ხოლო მთავრობისთვის „უეფას“ მხრიდან 5000 თუ 6000 ბილეთი“,-აღნიშნა კახა კალაძემ.
ცნობისთვის, ხელისუფლებამ ფეხბურთის ფედერაციისგან სუპერთასის მატჩზე დასასწრები 2 500 ბილეთის გამოყოფა მოითხოვა.
ინფორმაციას „ნაციონალური მოძრაობის“ წევრი ნიკა მელია „ფეისბუქის“ საკუთარ გვერდზე ავრცელებს.