2019-08-26 14:35:47, 1552 ნახვა
პოლიტიკა
„იმედი გვაქვს, პროცესი ლეგიტიმურ ჩარჩოებში ჩატარდება“ - კრემლი აფხაზეთში ე.წ. არჩევნებს აკვირდება
რუსეთის პრეზიდენტის პრესმდივნის დიმიტრი პესკოვის განცხადებით, კრემლი ოკუპირებულ აფხაზეთში მიმდინარე ე.წ. საპრეზიდენტო არჩევნებს ყურადღებით აკვირდება, - ამის შესახებ ინფორმაციას "რია ნოვოსტი" ავრცელებს.
როგორც პესკოვმა აღნიშნა, ოფიციალური მოსკოვი იმედოვნებს, რომ დე-ფაქტო არჩევნები ლეგიტიმურად ჩატარდება.
"რა თქმა უნდა თვალს ვადევნებთ არჩევნებს. ველოდებით მეორე ტურს. იმედი გვაქვს, რომ საარჩევნო პროცესი ლეგიტიმურ ჩარჩოებში წარიმართება", - განაცხადა პესკოვმა.
ცნობისთვის, გუშინ ოკუპირებუ აფხაზეთში ე.წ. საპრეზიდენტო არჩევნები ჩატარდა. შედეგების თანახმად, საქართველოს ერთ-ერთ რეგიონში დე-ფაქტო არჩევნების მეორე ტური გაიმართება.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
