2019-08-22 19:01:57, 1553 ნახვა
პოლიტიკა
ხოშტარია: წერეთლისთვის ბრალის წარდგინება TV პირველზე მიზანმიმართული თავდასხმაა
ეს არის მიზანმიმართული თავდასხმა TV პირველზე და შანტაჟი მფლობელის ოჯახის წევრის მეშვობით - ასე შეაფასა „ევროპული საქართველოს“ ერთ-ერთმა წევრმა ელენე ხოშტარიამ TV პირველის მფლობელის, ვატო წერეთლის მამის, ავთანდილ წერეთელისთვის ბრალის წარდგინების ფაქტი.
ხოშტარია დარწმუნებულია, რომ ეს ქმედებები შიშის დასათესად და ხელისუფლების მიერ თავისუფალი სიტყვის ხელში ჩაგდებისკენაა მიმართული.
„TV პირველს ესხმიან თავს და, რა თქმა უნდა, არავინ არაფერს არ იძიებს , ეს არის მიზანმიმართული თავდასხმა TV პირველზე. TV პირველის მფლობელის ოჯახის წევრით აშანტაჟებენ მათ, რომ ესეც ჩაიგდონ ხელში, დათესონ შიში, ხელში ჩაიგდონ თავისუფალი სიტყვა და თავისუფალი პოლიტიკური მოქმედება“, - განაცხადა ელენე ხოშტარიამ.
ავტორი: ექსპრესნიუსი,
epn.ge (@expressnews.ge)
