„ნებისმიერი ტელევიზიის დამფუძნებელი, პოლიტიკური პარტიის ჩამომყალიბებელი, საზოგადოებრივი მოძრაობის ხელმძღვანელობა არ არის ის საფარველი, სადაც შეიძლება თავი აარიდო შეკითხვაზე პასუხს“, - ასე გამოეხმაურა საპარლამენტო უმრავლესობის ლიდერი გია ვოლსკი „ტვ პირველის“ მფლობელის მამის, ბიზნესმენ ავთანდილ წერეთელისთვის ბრალის წარდგინებას.

როგორც დეპუტატმა აღნიშნა, თუ ვინმე იტყვის, რომ აღნიშნულ საქმეზე პროკურატურამ საქმე არ უნდა აღძრას, არასწორი იქნება.

„ავთანდილ წერეთლისთვის ბრალის წარდგენას სამართლებრივად ნამდვილად ვერ შევაფასებ. ცნობილია საზოგადოებისთვის, რომ ცნობილი 17 მილიონი დოლარი სწორედაც ავთანდილ წერეთელმა ისესხა, სესხს არ მომსახურებია და პირად ანგარიშებზე დაუბრუნა კონკრეტულ ადამიანებს ეს თანხა და კარგა ხანი ამ საკითხთან დაკავშირებით არც ვალის მომსახურებაზე იყო საუბარი და თანხაც ოფშორულ ზონაში აღმოჩნდა. თუ ვინმე მეტყვის, ნებისმიერი პოლიტიკური მრწამსის ადამიანი, რომ ასეთი კომბინაციის შემდეგ პროკურატურამ არ უნდა აღძრას საქმე, ვფიქრობ, არასწორი იქნება, არაობიექტური. არ არის ტელევიზიის ფლობა ან თუნდაც პოლიტიკურ პარტიაში, პოლიტიკურ საქმიანობაში მონაწილეობა იმის გარანტია, რომ ამ საქმეზე კითხვები არ ისმებოდეს საგამოძიებო სტრუქტურების მიერ.

 რაც შეეხება, შეფასებას, რომ ავთანდილ წერეთლისთვის ბრალის წარდგენა თავისუფალ მედიაზე ზეწოლის აღიქმება, „ტვ პირველის“ თუ ნებისმიერი ტელევიზიის დამფუძნებელი, პოლიტიკური პარტიის ჩამომყალიბებელი, საზოგადოებრივი მოძრაობის ხელმძღვანელობა არ არის ის საფარველი, სადაც შეიძლება თავი აარიდო შეკითხვაზე პასუხს, თუ რა მონაწილეობა გაქვს მიღებული 17 მილიონის აორთქლებაში“, - აღნიშნა გია ვოლსკიმ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით