„თუკი პროცესი განახლდა, ბუნებრივია, ჩვენ გამოვიყენებთ, ჩვენს ხელთ არსებულ ყველა მექანიზმს“, - ამის შესახებ საგარეო საქმეთა მინისტრმა დავით ზალკალიანმა ბრიფინგზე განაცხადა.

მისი თქმით, ოკუპაციის პირობებში, ბორდერიზაციის განახლებასთან დაკავშირებული პროგნოზის გაკეთება რთულია.

„ამჟამად, მე მაქვს ინფორმაცია, რომელიც მიღებულია შესაბამისი უწყებებიდან, რომ იქ პროცესი ამ წუთებში არ მიმდინარეობს. თუმცა,  მე კიდევ ერთხელ ვადასტურებ, რომ ვაგრძელებთ აქტიურ მონიტორინგს, იმისთვის რომ მუდმივად გვყავდეს საერთაშორისო თანამეგობრობა ჩართული ამ პროცესში. თუკი პროცესი განახლდა, ბუნებრივია, ჩვენ გამოვიყენებთ, ჩვენს ხელთ არსებულ ყველა მექანიზმს“, - განაცხადა ზალკალიანმა.

შეგახსენებთ, რომ საოკუპაციო ძალების წარმომადგენლებმა გორის მუნიციპალიტეტის სოფელ გუგუტიანთკარში ე.წ. ბორდერიზაციის პროცესი განაახლეს. მავთულხლართების გაბმის შედეგად,  გუგუტიანთკარში საოკუპაციო ხაზს იქით რაზმაძეებისა და გუგუტიშვილების სახლები მოხვდა. ომის დროს დაზიანებული სახლებიდან ნივთების გასატანად საოკუპაციო ძალების წარმომადგენლებმა, რაზმაძეების და გუგუტიშვილების ოჯახებს სამდღიანი ვადა მისცეს.  დღეს კი, საგარეო საქმეთა სამინისტროს ინიციატივით საოკუპაციო ხაზთან მდებარე სოფელ გუგუტიანთკარში თბილისში აკრედიტებული დიპლომატიური მისიების წარმომადგენლები ჩავიდნენ და ადგილზე იხილეს საოკუპაციო ძალების მიერ ხელოვნური ბარიერების აღმართვის უკანონო პროცესი და შექმნილი რთული ჰუმანიტარული ვითარება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით