"რუსთავი 2"-ის ყოფილი გენერალური დირექტორი ნიკა მელია, არ გამორიცხავს, რომ დააკავონ.

გვარამიამ "სამართალდამცავთა რეფორმირების ცენტრის” ხელმძღვანელის ზვიად კუპრავასთვის 9-თვიანი პატიმრობის შეფარდებაც გაიხსენა და აღნიშნა, რომ სასამართლოს ასეთი გადაწყვეტილების შემდეგ, ყველაფერია მოსალოდნელი.

"შესაძლებელი არის, რომ ბრალდებული გავხდე. არ გამოვრიცხავ, რომ არ გამომიშვან. კუპრავას გუშინ ჩემზე უფრო ნაკლები გინებისთვის შეუფარდეს 9 თვე, თან სადღაც სასადილოში ნათქვამი. უპრეცენდენტო რამეზე ვლაპარაკობთ. ეს მართლა გახდება ქრისტომატიული საქმე მთელი ევროპის მასშტაბით. ამ ქვეყანაში, სადაც 3 სიტყვიანი გინებისთვის 9 თვეს უსჯიან ყველაფერია მოსალოდნელი", - განაცხადა ნიკა გვარამიას.

ცნობისთვის. "რუსთავი 2"-ის ყოფილი გენერალური დირექტორი გამოკითხვაზე თბილისის საქალაქო სასამართლოში მივიდა. პროკურატურამ გუშინ განცხადება გაავრცელა, რომელშიც ნათქვამია, რომ სამაუწყებლო კომპანია რუსთავი 2“-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის საქმეზე მიმდინარე გამოძიების ფარგლებში, პროკურატურის შუამდგომლობის საფუძველზე მიღებულია სასამართლოს შესაბამისი განჩინებები „სამაუწყებლო კომპანია რუსთავის 2“-ის კონტრაქტორი საწარმოებიდან, მათ შორის „ინტერ მედია“ და „ინტერ მედია პლიუსიდან“, გამოძიებისათვის საჭირო დოკუმენტაციისა და ელექტრონული ინფორმაციის ამოღების თაობაზე. საგამოძიებო უწყებაში ასევე აღნიშნეს, რომ სხვა საპროცესო და საგამოძიებო მოქმედებებთან ერთად, მიმდინარე გამოძიების ფარგლებში, დაგეგმილია ტელეკომპანია „რუსთავი2“-ის ყოფილი დირექტორის ნიკოლოზ გვარამიას გამოკითხვა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით