საბერძნეთის პრემიერ მინისტრმა კრიზისის დაძლევის ახალი გეგმა შეიმუშავა

2015-07-07 14:45:01, 1479 ნახვა

მსოფლიო

საბერძნეთის პრემიერმა ალექსის ციპრასმა კრიზის დაძლევასთან დაკავშირებული ახალი გეგმა ევროზონის ლიდერი ქვეყნების მიერ დაგეგმილ საგანგებო სამიტზე უნდა წარადგინოს.

აღნიშნული გეგმა, სავარაუდოდ, შეიცავს საბერძნეთისათვის ვალის 30 პროცენტით შემცირების მოთხოვნას.

ათენი იძულებული იყო შეემუშავებინა გეგმა, რადგან ქვეყანა, რომლის ვალიც საერთაშორისო კრედიტორების მიმართ 323 ბილიონი ევროა, დეფოლტის საფრთხის წინაშე დგას.

ევროპის ცენტრალური ბანკი განაგრძობს საბერძნეთზე ზეწოლას და უარს ამბობს მისთვის საგანგებო ფინანსური დახმარების გაწევაზე. ქვეყანაში ბანკები კვლავაც დახურულია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან