ია კერზაიას შვილი - ვითხოვ გახარიასთან ერთად იმ ადამიანების გამოკითხვას, ვინც დედაჩემის გათავისუფლება დაგეგმა

2019-07-08 15:50:55, 1013 ნახვა

საზოგადოება

ზუგდიდის მე-6 სკოლის ყოფილი დირექტორის, ია კერზაიას შვილი, ბაჩან შენგელია პროკურატურაში გამოკითხვაზე იმყოფებოდა.

როგორც მან აღნიშნა, პროკურატურაში ყოფნისას აქვს დადასტურებული ინფორმაცია, რომ საპრეზიდენტო არჩევნების მეორე ტურის წინ, ზუგდიდში ყოფნის დროს, განათლების მინისტრს მიხეილ ბატიაშვილს შს მინისტრმა გიორგი გახარიამ დაავალა მე-6 საჯარო სკოლაში ინსპექტირების სამსახურის შესვლა.

„ჩვენ მივაწოდეთ პროკურატურას ვიდეო მტკიცებულებები, რომელიც ასახავს ამ თათბირის მიმდინარეობას, ასევე, მასში მონაწილე პირების ვინაობას და შესაბამისად, ვითხოვთ პროკურატურისგან გამოიკითხოს ყველა ეს პირი შს მინისტრთან ერთად, რომლებიც უკვე დაადასტურებენ ამ ფაქტს და შესაბამისად, თუ გაცემული მსგავსი ტიპის დავალება, რაც არის უკანონო, ბუნებრივია, შესაბამისად, ვითხოვთ უკვე შს მინისტრის პასუხისგებაში მიცემას“, - აღნიშნა ბაჩანა შენგელიამ.

შეგახსენებთ, რომ ია კერზაია 2018 წლის 9 დეკემბერს გარდაიცვალა. კერზაიას შვილი ბაჩანა შენგელია დედის ჯანმრთელობის მდგომარეობის გაუარესებას ხელისუფლების მიერ მასზე განხორციელებულ პოლიტიკურ ზეწოლას უკავშირებს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან