რუსთაველის გამზირზე, პარლამენტის შენობის წინ საპროტესტო აქციის „სირცხვილია“ ერთ-ერთი ორგანიზატორის შოთა დიღმელაშვილის განცხადებით, მათი მთავარი მოთხოვნა შს მინისტრის გოირგი გახარიას გადადგომა უცვლელია და მოთხოვნების რედაქტირებას, რამის გამოკლებას ან დამატებას არ აპირებენ.

მისივე განმარტებით, დღეს რესპუბლიკის მოედნიდან თავისუფლების მოედნამდე საპროტესტო მსვლელობა „თავისუფლების მარში“ გაიმართება.

„გახარიას წასვლას აქვს სიმბოლური მნიშვნელობა, რადგან ასე, რომ მოხდება დარბევა, ამის პატიება, რომ არ იქნება თანამდებობის პირების, ეს უნდა ჩაიწეროს ისტორიაში და ამ პრეცედენტისთვის ვიბრძვით, თორემ ამით დიდ ცვლილებას ჩვენ სინამდვილეში არ მოველით. არ ვაპირებთ მოთხოვნების რედაქტირებას, რამის გამოკლებას ან დამატებას. პირველივე დღეს ვთქვით, რა გვინდოდა და აუცილებლად მივალთ აქამდე ჯიუტად, არც მოლაპარაკებებზე წავალთ ვინმესთან, ყოველდღე ვივლით საქართველოს სამსახურში“, - აღნიშნა დიღმელაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საზოგადოებრივ მაუწყებელთან ონისე ოქრიაშვილის მხარდასაჭერად აქცია გამართა

საქართველომ უკრაინის მოქალაქეებს ფინანსური და სამედიცინო დახმარება გაუხანგრძლივა

ელენე ხოშტარიამ მხარი დაუჭირა ვიქტორ ყიფიანის ინიციატივას ოპოზიციის კონსოლიდაციის შესახებ

თიბისი კაპიტალმა მაკროეკონომიკური განახლება გამოაქვეყნა