„როდესაც ვიღაც ცდილობს, მოახდინოს პოლიციის დელეგიტიმაცია, რაც ნიშნავს სამართლებრივი სახელმწიფო ინსტიტუტების რბევას, რა თქმა უნდა, მე ამას არ დავუშვებ“, - ასე უპასუხა შინაგან საქმეთა მინისტრმა გიორგი გახარიამ ჟურნალისტის შეკითხვას 20-21 ივნისს განვითარებულ მოვლენებთან დაკავშირებით, მისი პასუხისმგებლობის თაობაზე.

როგორც გახარიამ განმარტა, თუ დადგინდება, რომ აქციის დაშლისას სისტემურ დარღვევებს ჰქონდა ადგილი, პასუხიმსგებლობას აიღებს.

„ჩემი პოლიტიკური პასუხისმგებლობა არის ის, რომ ამ უწყებამ, შინაგან საქმეთა სამინისტრომ და პოლიციამ, ღირსეულად გაუძლოს იმ გამოცდას, რომელიც ჩვენ მოგვიწია შეგვესრულებინა იმ ღამეს. იმ შედეგს, რაც ჩვენ მივიღეთ, იმ პრობლემებით რაც არის, თვალი უნდა გავუსწოროთ და ვუპასუხოთ, ესეც ჩემი პასუხისმგებლობაა. მაშინ როდესაც ვამბობ, რომ თავიდან ბოლომდე ამ ღონისძიებაზე პასუხს ვაგებ მე, რა თქმა უნდა მე ვიქნები აქ, სანამ უსაფრთხოდ და ლეგიტიმური სამართლებრივი პროცედურების დასრულებამდე არ დავინახავ, რომ თითოეული პოლიციელი, რომელიც ამ ღონისძიებაში იყო ჩართული, არ იქნება უსამართლო ზემოქმედების მსხვერპლი. ისევე როგორც ამ გამოძიების შედეგად აგერ ვარ და ამ პოლიტიკურ პასუხისმგებლობასაც ვაგებ. ის, რაც მოხდა, იქ თუ სისტემური პრობლემა სამართლებრივ პროცედურებში არ არსებობდა, ამასაც თავისი პოლიტიკიური შედეგები უნდა მოჰყვეს. თუ დადგინდება, რომ იქ იყო სისტემური დარღვევები, რა თქმა უნდა ეს ჩემი პასუხისმგებლობაა. თუმცა არის პოლიტიკური კომპონენტი და როდესაც ვიღაც ცდილობს, მოახდინოს პოლიციის დელეგიტიმაცია, რაც ნიშნავს სამართლებრივი სახელმწიფო ინსტიტუტების რბევას, რა თქმა უნდა, მე ამას არ დავუშვებ“, - განაცხადა გახარიამ.

ავტორი: ექსპრესნიუსი,

სოციალური ქსელები

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა

უკრაინაში კიდევ ერთი ქართველი მებრძოლი დაიღუპა

ძალოვანებმა პუტინს შესთავაზეს სახელმწიფო დუმის არჩევნების გაუქმება ეკონომიკური პრობლემებისა და დრონების თავდასხმების გამო